بابان نازناوی خولی نایابی تیپەمیللیەكانی سلێمانی بەرز كردەوە

په‌یام سپۆرت

لەشاری سلێمانی كۆتای هات بەیاریەكانی خولی نایابی تیپە میللیەكانی سلێمانی‌و تیپی بابانیش نازناوەكەی بەرز كردەوە.

لەیاریگای چیا‌و لەیاری كۆتای خولەكەدا هەردوو تیپی بابان‌و زێو بەیەك گەیشتن.

بەدرێژایی هەردوو گێمی یاریەكە یاریزانانی هەردوو تیپ ئاستێكی بەهێزو بەرزییان پیشاندا، چونكە هەردوو پێكهاتەكانیان بەیاریزانانی یانەكان بەهێز كردبوو.

دوای تەوابوونی كاتی یاسای یاریەكە كە هەردوو تیپ بەگۆڵێك یەكسان بوون بەلێدانەكانی یەكلاكەرەوە تیپی بابان توانی یاریەكە بەسودی خۆی یەكلای بكاتەوە‌و نازناوەكە بەرز بكاتەوە.

دوای تەوابوونی یاریەكەش لەلایەن بەرپرسانی وەرزشی‌و حزبی یاریەكەوە خەڵات بەسەر یاریزانانی هەردوو تیپ‌و گۆڵكارو باشترین یاریزان دابەشكرا.

لەقۆناغی پێش كۆتای خولەكەشدا تیپی بابان لەچیا‌و زێوێش لەتیپی پێشرەوی خەباتیان بردبویەوە بەلێدانەكانی یەكلاكەرەوە.