مامۆستا عه‌لی باپیر برووسكەیەكی ماتەمینی ئاڕاستەی بنەماڵەی پڕۆفیسۆر عیزەدین مستەفا كرد

په‌یام
بەبۆنەی كۆچی دوایی پڕۆفیسۆر عیزەدین مستەفا ڕەسول نووسەر و ئەدیب‌و ڕۆشنبیری كورد، مامۆستا عەلی باپیر، ئەمیری كۆمەڵی ئیسلامی برووسكەیەكی ماتەمینی ئاڕاستەی بنەماڵەی كۆچكردوو كرد.

ئەمەی خوارەوە دەقی بروسكەكەیە:

بەناوی خوای بەخشندەی میهرەبان
بەڕێز كاك فاروق مەلا مستەفای سەفوەت
السلام علیكم و رحمە الله
بەبۆنەی كۆچی دوایی برای بەڕێزتانەوە، جەنابی (پڕۆفیسۆر عیزەدین مستەفا ڕەسوڵ)، سەرەخۆشییتان لێ دەكەم، خوا لێی خۆش بێ‌‌و جێگای بەهەشت بێ‌‌و سێبووریی‌و ئارامییش بەسەر دڵی ئێوەدا بڕێژێ‌‌و هەموولایەكیشمان بە ئیسلامەوە بژیەنێ‌‌و بە ئیمانەوە بمرێنێ‌‌و سەرەنجاممان خێر و سەرفرازی بێت.
بێگومان كۆچی دوایی جەنابی دكتۆر عیزەدین كەلێنێكی گەورەی جێهێشتووە، چونكە یەكێك بوو لە نووسەر و ئەدیب‌و ڕۆشنبیرە هەڵكەوتووەكانی گەلەكەمان‌و پتر لەنیو سەدە بوو لە زۆر بواردا خزمەتی بە زمان‌و ئەدەب‌و فیكرو فەڕهەنگی گەلەكەی دەكرد.
دووبارە سڵاو و ڕێزو سەرەخۆشیی بۆ خۆت‌و سەرجەم خزم‌و دۆستان

انا لله وانا الیه راجعون

                                                                                          براتان: عـەلـی باپـیـر
                                                                                         5/صفر/1441
                                                                                          4 /10 /2019