پێش 3 هەفتە 170 جار خوێنراوەتەوە

چی ده‌زانیت ده‌رباره‌ی رۆژی جیهانیی دڵ؟

 
ئەمرۆ 29ی سێپتەمبەر (ڕۆژی جیهانی دڵ)ە، چونكە فیدراسیۆنی جیهانی دڵ، بە هاوكاری لەگەڵ رێكخراوی تەندروستی جیهانی لە ساڵی 1999دا بڕیاریاندا بە دەستنیشانكردنی رۆژێك لە مانگی نۆدا بۆ رۆژی جیهانی دڵ، خاوەنی بیرۆكەكەش پرۆفیسۆر دكتۆر (ئەنتونی س. د. لونا) بوو كە پسپۆڕی دڵە لە زانكۆی بەرشەلۆنا لە ئیسپانیاو سەرۆكی فێدراسیۆنی جیهانی دڵ بوو، لە ساڵی 1997-1999.

 سەرەتا، كۆتا یەكشەممەی مانگی نۆ دەستنیشانكرا، لە رۆژی 24ی سێپتەمبەری ساڵی 2000دا یەكەم ساڵیادی رۆژی جیهانی دڵ بەڕێوەچوو.

دواتر گۆڕرا بە 29 ی مانگ و هەموو ساڵێك 29ی سێپتەمبەر  بە ساڵڕۆژی جیهانی دڵ  دادەنرێت، لە پێناو بڵاوكردنەوەی هۆشیاری زیاتر بۆ خۆپاراستن لە نەخۆشیەكانی دڵ، چونكە  نەخۆشییەكانی دڵ لە لیستی سەرەوەی هۆكارەكانی گیان لەدەستدان لە جیهانداو لەسەرەتاكانی ساڵی 2000دا نزیكەی 17 ملیۆن كەس لە جیهاندا بەهۆی نەخۆشی دڵەوە گیانیان لە دەستدا.
بەگشتیی ئامانج لە دیاریكردنی ئەم رۆژە، وشیاركردنەوەی زیاتری خەڵكییە سەبارەت بە نەخۆشییەكانی دڵ و رێگەكانی خۆپاراستن.

نزیكەی 90 وڵات لە تەواوی جیهاندا یادی ئەم رۆژە دەكەنەوەو چالاكی جۆر بەجۆر ئەنجام دەدەن، وەكو: پێشكەشكردنی زانیاری و رێنمایی سەبارەت بە نەخۆشییەكانی دڵ لە رێگەی راگەیاندنەكانەوە.
 دەستەبەركردنی پشتیوانی ماددی و مرۆیی بۆ ناوەندەكانی توێژینەوە بۆ ئەنجامدانی توێژینەوەی زانستی زیاتر لەسەر نەخۆشییەكانی دڵ.
 داڕشتنی پرۆگرامی تایبەت بۆ ناوەندەكانی خوێندن، تا فێرخوازان هۆشیاریان زیاتر بێت لەسەر نەخۆشییەكانی دڵ و رێگەكانی خۆپاراستن.
پێشكەشكردنی خزمەتگوزای پشكنینی خۆرایی بۆ نەخۆشییەكانی دڵ بۆ هاوڵاتیان، تا دڵنیا بن لە تەندروستی دڵیان و لە كاتی بوونی هەر گرفتێكی تەندروستیدا بەزووترین كات چارەسەر وەربگرن.
 ئەمانە و چەندین كار و چالاكی تر لە وڵاتانی دونیا لەم رۆژەدا ئەنجام دەدرێت، لە پێناو كەمكردنەوەی حاڵەتەكانی نەخۆشییەكانی دڵ و خۆپاراستن لێیان.
 
له‌ ماڵپه‌ڕی نه‌خۆشخانه‌ی به‌خشین وه‌رگیراوه‌ ..
 

لە تۆڕە کۆمەڵایەتیەکان شەیری بکە

  • 3 رۆژ پێش ئێستا

    خواردنی ته‌ندروست چییه‌؟ پێویسته‌ ئه‌م زانیاریانه‌ت هه‌بێت

  • 7 رۆژ پێش ئێستا

    نیشانه‌ و مه‌ترسیه‌كانی دابه‌زینی په‌ستانی خوێن

  • پێش 2 هەفتە

    پزیشكێكی كورد، دایكان و باوكان له‌ مه‌ترسیه‌كی ئه‌سپرینی منداڵان ئاگادار ده‌كاته‌وه‌

  • پێش 2 هەفتە

    چه‌ند ئامۆژگارییه‌کی گشتی بۆ ئه‌و که‌سانه‌ی ئازاری پشتیان له‌گه‌ڵ دایه‌

  • پێش 2 هەفتە

    گۆڕینی شێوازی ژیانی ڕۆژانه‌ ده‌توانێت ڕێگربێت له‌ نیوه‌ی حاڵه‌ته‌کانی شێرپه‌نجه‌

  • پێش 3 هەفتە

    نیشانەكانی نەخۆشی دڵ له‌ منداڵ دا

  • پێش 3 هەفتە

    كرمی ڕیخۆڵه‌كان و گه‌ده‌ نزیكه‌ی له‌سه‌دا ده‌ی دانیشتوانی جیهان پێوه‌ی ده‌ناڵێنن

  • پێش 3 هەفتە

    ئازاری ئەژنۆ..چ کاتێک پێویستە بچمە لای پزیشک؟

سەرەتا