هەرمێ.. ئه‌و میوەیەی پڕە لە سوود و هیچ زیانێکی نییە

هەرمێ، سودی تەندروستی زۆرە، لێرەدا بە کورتی گرنگترین سووده‌ ته‌ندروستییه‌کانی باس دەکەین، دەتوانین بڵێین هەرمێ ئه‌و خۆراکه‌ی سوودی زۆره‌ و زیانی نییه‌:

۱ـ پاککردنه‌وه‌ی له‌ش له‌ مادده‌ ژه‌هراوییه‌کان له‌ ڕێگه‌ی جگه‌ره‌وه‌.
۲ ـ خۆپاراستن له‌ نه‌خۆشییەکانی دڵ و به‌رزی کۆلیستڕۆڵ.
۳ـ راگرتنی ئاستی ئاسایی فشاری خوێن و رێگریکردن له‌ به‌رزی فشاری خوێن و باشتر کۆنتڕۆڵکردنی نه‌خۆشی به‌رزی زه‌غت.
٤ـ خۆپاراستن له‌ نه‌خۆشی شه‌کره‌ و یارمه‌تیدانی کۆنتڕۆڵکردنی ئاستی شه‌کره‌ له‌ خوێن دا، میوه‌یه‌کی زۆر باشه‌ بۆ که‌سانی تووشبوو به‌ نه‌خۆشی شه‌کره‌۰
٥ ـ رێگریکردن له‌ قه‌ڵه‌وی و یارمه‌ت دابه‌زینی کێشی له‌ش ده‌دات له‌ کاتی ڕێجیم.
٦ـ خۆپاراستن له‌ گرژبوونی ماسولکه‌کان و نه‌خۆشی نه‌رمبوونه‌وه‌ی ئێسک و نه‌خۆشییەکانی هه‌وکردنی جومگه‌کانی له‌ش.
۷ـ به‌هێزکردنی کۆئه‌ندامی به‌رگری له‌ش و چالاککردنی کۆئه‌ندامی هه‌رس.
۸ ـ میوه‌یه‌کی زۆر باشه‌ بۆ منداڵان و ساوای ته‌مه‌ن که‌متر له‌ یه‌ک ساڵ (پاش لابردنی توێژاڵی ده‌ره‌وه‌ و ناوکه‌که‌ی)و پێویستە لە ڕنە بدرێت و دوای حەوت مانگی بیدرێتێ.
۹ـ  یه‌کێکه‌ لە میوه‌ به‌ سووده‌کان بۆ خانمانی دووگیان و شیرده‌ر.
۱۰ ـ چه‌ندین سوودی هه‌یه‌ بۆ پێست و مووه‌کانی قژ و چاو و ددان.
۱۱ـ نه‌هێشتنی ته‌مه‌ڵی و بێهیزی و یارمه‌تیدانی خۆپاراستن له‌ چه‌ندین جۆری شێرپه‌نجه.

دکتۆر کامه‌ران رەسوڵ ژاژڵه‌یی
پسپۆڕی زانستی خۆراک