19/09/2019
329 جار خوێنراوەتەوە
جگە لە باڵاندۆر خەڵاتێکی دیکەش زیادیکرد
پەیام سپۆڕت - بڕیار تەها
گۆڤاری فرانس
فوتبۆڵی فەرەنسی ڕایدەگەیەنێت بۆ سالێ 2019 لە پاڵ
خەڵاتی باڵاندۆردا خەڵاتی باشترین گۆڵپارێزیش دەبەخشن.
لە هەژماری
تایبەتی خۆی لە تویتەر گۆڤارەکە سەرەتا ئاماژەی بەوەکرد کە دیدیە درۆگبای
کۆتیڤواری و هێرشبەری پێشووی یانەی چێڵسی لەندەن بۆ ئەمساڵ وەک باڵوێزی خەڵاتی
باڵاندۆر دەستنیشانکراوە.
لە درێژەی
نووسراوەکەدا فرانس فوتبۆڵ ئەوەی ئاشکرا کرد بۆ مەراسیمی ئەمساڵ خەڵاتی باشترین
گۆڵچی ساڵ بە ناوی ( یاشین ) دەبەخشنە ئەو گۆڵپارێزەرەی زۆرترین دەنگی بەدەستهێناوە
و ئاستێکی بەرزی نیشانداوە، یاشین گۆڵچی مێژووی یەکێتی سۆڤیەتی جاران بوو، لە سەدەی 20دا بە ئاستە بەرزەکەی سەرنجی جیهانی بەلای
خۆیدا ڕاکێشا بوو.
واتا لە ئاهەنگی
ئەمساڵی فرانس فوتبۆڵدا لە پاریسی پایتەختی فەرەنسا گۆڤارەکە ئەم چوار خەڵات
دەبەخشیت، باشترین یاریزانی جیهان بۆ پیاوان، باشترین یاریزانی جیهان بۆ ئافرەتان،
باشترین یاریزانی لاوی تازە دەرکەوتوو، لەگەڵ باشترین گۆڵچی ساڵ.
لە کۆتایشدا فرانس
فوتبۆڵ ئەوەی ڕاگەیاند، لە 21ی مانگی 10ی ئەمساڵ ناوی پاڵێوراوان بۆ خەڵاتەکان ئاشکرا
دەکرێت و لە 2ی مانگی 12شدا لە هۆڵی (شاتلیە)ی بەناوبانگ مەراسیمی
بەخشینی خەڵاتەکان بەڕێوەدەچێت.
لە تۆڕە کۆمەڵایەتیەکان شەیری بکە