02/01/2023
423 جار خوێنراوەتەوە
ئاسایشی سلێمانی دەستگیركردنی ئەندامێكی رێكخراوی داعشی راگەیاند
پەیام
بەڕێوەبەرایەتی ئاسایشی سلێمانی دەستگیركردنی ئەندامێكی رێكخراوی داعشی راگەیاند، كە دوو جار لە دەست هێزە عیراقییەكان هەڵاتبوو.
بەڕێوەبەرایەتییەكە لە راگەیەندراوێكدا بڵاویكردووەتەوە، هێزەكانی ئاسایش لە ئۆپراسیۆنێكدا تیرۆرستێكی هەڵاتوویان دەستگیر كرد كە لەلایەن دادگاوە داواكراوە و پێشتریش دوو جار لە دەستی هێزە ئەمنییە عیراقییەكان هەڵاتووە، كە تۆمەتی تیرۆر و رفاندنی هاوڵاتییەكی مەسیحی بە ناوی "رەمسیس بتڕس" دانیشتووی بەغدای لەسەرە.
ئەوەش هاتووە، داواكراوەكە ناوی "عومەر وەحید خەزرەجی"ییە و دوای هەڵاتنی هاتووەتە سلێمانی، پاش گەیشتنی زانیاری بە بەڕێوەبەرایەتی ئاسایشی سلێمانی لە لایەن ئۆپەراسیۆنی ئاسایشی سلێمانی لێكۆڵینەوەی ورد لەسەر ئەم كەیسە كرا و زانیاریی كۆكرایەوە.
ئاسایشی سلێمانی جەختی لەوەش كردووەتەوە، دوای رەزامەندی سەرۆكی دەزگای ئاسایشی هەرێم و دادوەری لێكۆڵینەوەی ئاسایشی سلێمانی، لە ئۆپەراسیۆنێكدا بە هاوكاریی بەڕێوەبەرایەتی ئاسایشی شارەزوور تیرۆریستی هەڵاتوو لە یاسا پاش گەمارۆدانی و رووبەڕووبوونەوەی لەگەڵ هێزەكانیان و هەوڵدان بۆ هەڵاتن دەستگیركرا.
لە تۆڕە کۆمەڵایەتیەکان شەیری بکە