12/09/2019
508 جار خوێنراوەتەوە
بەرپرسێكی ئیدارەی پێشووی ئەمریكا نیازی وڵاتەكەی بۆ سووككردنی سزاكانی سەر ئێران ئاشكرا دەكات
په‌یام
بەرپرسێكی ئیدارەی پێشووی ئەمریكا نیازی وڵاتەكەی بۆ سووككردنی سزاكانی سەر ئێران ئاشكرا دەكات، سەرۆكی ئەو وڵاتەش ڕەتیدەكاتەوە.
لەمیانی تویتێكدا لە تۆڕی كۆمەڵایەتی تویتەر، (بن ڕۆدرز) ڕاوێژكاری ئاسایشی نیشتیمانی ئەمریكا لە ئیدارەی پێشوو، ڕایگەیاند: (دۆناڵد ترەمپ) دەیەوێت سزاكانی سەر ئێران كەم بكاتەوە.
بەپێی قسەی (بن ڕۆدرز)، سەرۆكی ئەمریكا ئەو هەنگاوە بە ئامانجی ڕەخساندنی بوار بۆ دیدار و دانوستان لەگەڵ (حەسەن ڕۆحانی) سەرۆك كۆماری ئێران هەڵ دەگرێت.
لای خۆیەوە‌و لە پەیامێكیدا، (دۆناڵد ترەمپ) لە تویتەر نووسی: تاران دەیەوێت لەگەڵ واشنتۆن لەسەر بەرنامە ئەتۆمییەكەی بگاتە ڕێككەوتن، بەڵام من هیچ هەوڵێكم بۆ دیدار لەگەڵ سەرۆكی ئێران، نەداوە.
هەر لە هەمان پرسدا، ئاژانسی (بلۆمبێرگ) ئاشكرای كرد دوورخستنەوەی (جۆن بۆڵتون) ڕاوێژكاری ئاسایشی نیشتیمانی ئەمریكا لە كۆشكی سپی لە چوارچێوەی پلانەكانی ترەمپە بۆ كەمكردنەوەی سزاكانی سەر ئێران.
لە تۆڕە کۆمەڵایەتیەکان شەیری بکە