08/09/2019
3358 جار خوێنراوەتەوە
ئه‌میری كۆمه‌ڵ و سه‌رۆكی پارتی په‌یوه‌ندییه‌كانیان و دۆخی هه‌رێم و عێراقیان تاووتوێكرد
په‌یام
سه‌رله ئێوارەی ئەمڕۆ مامۆستا عه‌لی باپیر ئەمیری كۆمەڵی ئیسلامی و مه‌سعود بارزانی سەرۆكی پارتی دیموكراتی كوردستان لە پیرمام كۆبوونەوە.
كۆبوونەوەكە بۆ توندوتۆڵكردن و پتەوكردنی پەیوەندییە سیاسییەكانی نێوان كۆمەڵی ئیسلامی و پارتی دیموكرات بوو،، كە هەردولا بوونی پەیوەندییە سیاسیەكانی نێوان لایەنە سیاسییەكان بەوانەی بەشداری حكومەتن و ئەوانەش ئۆپۆزسیۆنن بەگرنگ زانی.
لەوكۆبوونەوەیەدا كە زیاتر لەكاتژمێرێكی خایاند هەردوولا كۆك بوون لەسەر ئەو بابەتانەی ڕەهەندی نیشتمانیان هەیە پێویست دەكات لایەنە سیاسییەكان تەبابن و ڕاوێژو ڕاگۆڕینەوەیان پێكەوە هەبێ، هەروەها پرسی ئایندەی كه‌ركوك بەرژەوەندی نەتەوەیی لەوەدایە تەواوی لایەنە كوردیەكان پێكەوە كاربكەن بۆئەوەی بارودۆخەكە لەبەرژەوەندی شارەكەو كورد یەكلایی ببێتەوە.
لەسەر پەیوەندییەكانی هەرێم و به‌غدادیش هەردولا جەختیان لەوە كردەوە پێویسته هەمووان پێكەوە كاربكەن بۆ ئەوەی كێشەو گرفتە ئالقاوەكانی نێوان هەرێم و به‌غداد چارەسەربكرێن.
لە كۆمەڵی ئیسلامی هەریەك لە عه‌بدولستار مه‌جید و حه‌سه‌ن بابه‌كر ئامادەبوون، لە پارتی دیموكراتیش هەریەك لە فازڵ میرانی و عه‌لی حسێن بەشداری كۆبوونەوەكە بوون.
كۆبوونەوەكانی كۆمەڵی ئیسلامی و لایەنە سیاسیەكان لەو چوارچێوەیەدا دێت كە كۆمەڵی ئیسلامی بڕیاریداوە پەرە بە پەیوەندییە سیاسییەكانی خۆی بدات لەگەڵ تەواوی لایەنه سیاسییەكانی كوردستان.
لە تۆڕە کۆمەڵایەتیەکان شەیری بکە