پێش 2 هەفتە 1020 جار خوێنراوەتەوە

له‌شت له‌ پاشه‌ڕۆكان پاك بكه‌ره‌وه‌

په‌یام

کاتێک ماسی یەکی نەخۆش لە حەوزێکدایە و ئاوی ناو حەوزەکە پیسە، بە تەنها هەر خواردنی ئەدەیتێ یاخود هەوڵ دەدەیت ژینگەکەی بۆ پاک بکەیتەوە و ئاوەکەی بۆ بگۆریت پاشان خواردنی بەیتێ بۆی نەخۆشیەکەی باشتر بێت؟

کاتێک مەکینەی ئامێرێکت بە هۆی زۆر لە کارکردنەوە گەرم بووە و ئیشەکەی بە جوانی ناکات زۆر کات پێویستە بیکوژێنینەوەو ئیسراحەتێکی بەینێ. بە هەمان شێوەش لەشی خۆمان پێویستی بە ئیسراحەت و پاککردنەوەیەتی لە پاشەرۆکان کە لە ئەنجامی زیندە چالاکیەکانی لەش کۆبۆتەوە.

لە خوارەوە بەرنامەی پاکەروەیەکی لەش لە پاشەرۆی کۆبووەوە دادەنێین کە بۆ ماوەی ۷ رۆژ دەخایەنێت کە لە سەرچاوەیەکی باوەر پێکراوەوە وەرگیراوە.

تێبینی: ئەوکەسانەی کە ئەم پلانە جێبەجێ دەکات پێویستە لە ۱۸ ساڵ زیاتر بێت و نەخۆشی درێژخایەنی نەبێت وە هەروەها بۆ ئافرەتی دووگیان و شیر بدات بە مندال نابێت چونکە ئێمە کەسەکان لە نزیکەوە نابینین و بۆی ئاڵۆزکاری نەخۆشیەکانی دروست نەبێت، وە ئاساییە ئەو کەسانەی پەیرەوی ئەم پلانە دەکەن لە سەرەتادا هەست بە بێ هێزی جەستەو سەرئێشەیەکی کەم بکەن.

گیراوەی یەکەم:

ئەو خواردنەوەیەی پێویستە رۆژانە کوپ و نیوێکی لێ بخورێتەوە لە جیاتی ژەمی ئێواران، پێکهاتووە لە :
یه‌ك پیازی گەورەی جنراو 
شه‌ش  قەدی کەرەوز (celery) جنراو 
سێ گێزەر جنراو 
چوار سیری ووردکراو 
یه‌ك گەلای بەی 
یه‌ك کەوچکی چێشت تێکەلەی ( زعتر و رۆزماری و ریحانەی ووشک)
یه‌ك کەوچکی چێشت خوێ 
یه‌ك کەوچکی چا بیبەری رەش 
یه‌ك کەوچکی چا زەردەچەوە 
یه‌ك کەوچکی چا زەنجەبیل 
دوو کەوچکی چێشت سرکەی سێو 
یازده‌ کوپ ئاو 
یه‌ك مریشک بە ساغی بە بێ پێست 

هەموو ئەمانە لەسەر ئاگرێکی زۆر زۆر کز لێدەنرێت بۆ ماوەی ٦ بۆ ۱٠ کاتژمێر. رۆژانە لەم گیراوەیە کووپ و نیوێک دەخورێتەوە لە بری ژەمی ئێوارە بو ۷ رۆژ.
تێبینی: ئەم گیراوەیە دەکرێت یەک جار ئامادە بکرێت و بۆ بەشی هەفتەکە بەمەرجێک بەشی سێ رۆژی یەکەم لە سەلاجەدا هەلگیرێت و بەشی ٤ رۆژی کۆتای لە فرێزەردا هەلگیرێت تا رۆژەکەی خۆی و گەرم دەکرێتەوەو لە جیاتی ژەمی ئێواران دەخورێتەوە.

گیراوەی دووەم:

سێ قەدی کەرەوز 

یه‌ك خیاری بچووک 

چنێک گەلای سپێناخ

یه‌ك لیمۆی بچووک 

یه‌ك سێو یان یه‌ك هەرمێ

یه‌ك کەوچکی چا پاودەری سپایرۆلینا.

هەمووی لەگەل ئا وو سەهۆل تێکەل دەکرێت و لە عەسارە دەدرێت.

گیراوەی سێ یەم:

یه‌ك چەوەنەر 

یه‌ك سێو

یه‌ك سم زەنجەبیلی تەر 

دوو گیزەر 

هەمووی لەگەڵ ئاو و سەهۆل تێکەڵ دەکرێت و لە عەسارە دەدرێت.

گیراوەی چوارەم:

سێ قەدی کەرەوز 

یه‌ك خەیار 

یه‌ك کەوچکی چا شمڵی 

یه‌ك لیمۆ

یه‌ك هەرمێ 

هەمووی لەگەل ئا وو سەهۆل تێکەل دەکرێت و لە عەسارە دەدرێت.

گیراوەی پێنجەم:

دوو قەدی کەرەوز 

نیو چەوەنەر 

یه‌ك چنگ گەلای کەرەوز

دوو تەماتە

یه‌ك کەوچکی چا خوێ

پەرداخێک سپێناخی جنراو یان کاهوو 

تۆزێک بیبری رەش 

هەمووی لەگەل ئا وو سەهۆل تێکەل دەکرێت و لە عەسارە دەدرێت. 

گیراوەی شەشەم:

دوو چنگ سپێناخ 

یه‌ك خەیار 

چنگێک گەلای نەعنا 

یه‌ك لیمۆ بە بێ توێکل 

چوار قاش ئەنەناس

هەمووی لەگەل ئاو و سەهۆل تێکەل دەکرێت و لە عەسارە دەدرێت.

گیراوەی حەوتەم:

سێ قەدی کەرەوز 

یه‌ك خەیار 

چنگێک مەعدەنووس 

چنگکێک کەرەوز 

یه‌ك سێوی سەوز 

یه‌ك کەوچکی چا شمڵی 

یه‌ك لیمۆی پاککراو 

هەمووی لەگەل ئا وو سەهۆل تێکەل دەکرێت و لە عەسارە دەدرێت. 

رۆژی یەکەم و چوارەم:

لە رۆژەکەدا لە جیاتی ژەمی بەیانی و سوکەژەمی بەیانی گیراوەی دووەم دەخورێت.
لە جیاتی ژەمی نیوەرۆ و سوکەژەمی نیوەرۆ گیراوەی سێیەم دەخورێت.
لە جیاتی ژەمی ئێوارە کوپ و نیوێک لە گیراوەی یەکەم دەخورێت.

رۆژی دووەم و پێنجەم: 

ژەمی بەیانی و سوکە ژەمی بەیانی: گیراوەی چوارەم
ژەمی نیوەرۆو سوکە ژەمی نیوەرۆ: گیراوەی پێنجەم 
ژەمی ئێوارە : کوپ و نیوێک لە گیراوەی یەکەم

رۆژی سێهەم و شەشەم:

ژەمی بەیانی و سوکە ژەمی بەیانی: گیراوەی شەشەم
ژەمی نیوەرۆو سوکە ژەمی نیوەرۆ: گیراوەی حەوتەم 
ژەمی ئێوارە : کوپ و نیوێک لە گیراوەی یەکەم

رۆژی حەوتەم:

ژەمی بەیانی و سوکەژەمی بەیانی گیراوەی دووەم دەخورێت.
لە جیاتی ژەمی نیوەرۆ و سوکەژەمی نیوەرۆ گیراوەی سێیەم دەخورێت.
لە جیاتی ژەمی ئێوارە کوپ و نیوێک لە گیراوەی یه‌كه‌م ده‌خورێت. 

‎دکتۆر ئه‌سرا که‌مال شا محه‌مه‌د 
‎بەکالۆریۆس لە پزیشکی هەناوی و نەشتەرگەری 

لە تۆڕە کۆمەڵایەتیەکان شەیری بکە

  • 2 رۆژ پێش ئێستا

    كلسی سه‌ر ددانه‌كان لوله‌كانی خوێن ده‌گرێت و ده‌بێته‌ هۆی جه‌ڵته‌

  • 2 رۆژ پێش ئێستا

    ئه‌م سودانه‌ی گوێز بزانه‌

  • 2 رۆژ پێش ئێستا

    زێڕی ڕه‌ش چییه‌؟

  • 3 رۆژ پێش ئێستا

    ئه‌وانه‌ی جیهانیان گۆڕی كێ بوون؟

  • 3 رۆژ پێش ئێستا

    کزی چاوو چییە و چەند چۆرە؟

  • 4 رۆژ پێش ئێستا

    چی بکرێت کاتێک ماددەییەکی کیمیایی دەچێتە ناو چاوەوە؟

  • 4 رۆژ پێش ئێستا

    له‌به‌ر ئه‌م هۆكارانه‌، ڕۆژانه‌ وه‌رزش ئه‌نجامبده‌ن

  • 5 رۆژ پێش ئێستا

    زاناکان 2 كه‌ركه‌ده‌نی یەک شاخی سپی لەجینات بەرهەم دێنن

سەرەتا