13/05/2022
564 جار خوێنراوەتەوە
هەولێر.. لە شەڕى نێوان دوو خێزاندا پێنج کەس لە سنووری قەزای خەبات کوژران
پەیام
لە گوندی کەوڕەبەن لە سنووری ناحیەى رزگاری سەر بە قەزای خەباتی پارێزگای هەولێر، بەهۆی کێشەیەکی کۆمەڵایەتییەوە پێنج کەس کوژران.
پەیامنێرى پەیام لە هەولێر رایگەیاند: رووداوەکە ئێوارەى ئەمڕۆ ١٣ى ٥ى ٢٠٢٢ روویداوە و شەڕەکە لە نێوان دوو برادا روویداوەو لەسەر کێشەى زەویوزار بووە.
راشیگەیاند: یەکێک لە براکان تەقەی کردووەو برایەکی خۆی و سێ کوڕی براکەی کوشتووە، هەروەها لایەنی بەرامبەریش وەڵامیان داوەتەوە کوڕێکی ئەویان کوشتووە.
پەیامنێرى پەیام لە هەولێر وتیشی "تائێستا لەبارەی رووداوەکەوە هێزەکانی ئاسیاش و پۆلیس هیچ روونکردنەوەیەکیان نەداوە".
لە تۆڕە کۆمەڵایەتیەکان شەیری بکە