تاگلیافیکۆ لە نێوان بەرشەلۆنە و ناپۆلی کامیانی هەڵبژاردووە؟

پەیام سپۆڕت- مەروان تالب

نیکۆلاس تاگلیافیکۆ بەرگریکاری یانەی ئەیاکس چاوەڕێی بەرشەلۆنە دەکات بۆ ڕۆیشتنی بۆ ئەو یانە کەتەلۆنییە.

فابریزیۆ ڕۆمانۆی ڕۆژنامەنوسی بەناوبانگ و ڕۆژنامەی مۆندۆ دیپۆرتیڤۆی کەتەلۆنی و نزیک لە یانەی بەرشەلۆنە ئەوەیان  بڵاو کردۆتەوە، پاش ئەوەی تاگلیافیکۆ بڕیاریداوە لەم مێرکاتۆیەدا ڕیزەکانی ئەیاکس جێبهێڵیت، یاریزانەکەش هیواخوازە هەفتەی داهاتوو بەرشەلۆنە لەگەڵ ئەیاکس بگاتە ڕێککەوتن و بچێتە یانە کەتەلۆنییەکەوە.

هەردوو سەرچاوە بەهێزەکە ئەوەشیان ڕاگەیاندووە، بەرگریکارە ئەرجەنتینیەکە هێشتا لە پلانەکانی بەرشەلۆنەدایە بۆ چارەسەرکردنی باڵای چەپی بەرگری، بەرشەلۆنە تەنیا ئامادەیە بە خواستن ئەو یاریزانە بگوازێتەوە، بەڵام یانە هۆڵندیەکە داوای کردووە بە هەمیشەی ئەو یاریزانە بگوازنەوە، تاگلیافیکۆش هیوادارە پێش داخستنی مێرکاتۆی زستانە پەیوەندی بە بەرشەلۆنە بکات.

لە کۆتایدا مۆندۆ ئاشکرای کردووە، نیکۆلاس ئۆفەرێکی لە ناپۆلییەوە پێگەیشتووە، بەڵام هێشا هیچ وەڵامێکی نەداوەتەوە و چاوەڕێی جوڵانەوەی بەرشەلۆنە دەکات.