22/01/2022 301 جار خوێنراوەتەوە

فەڕمی.. ئانچلۆتی داهاتووی هازاردی لە ڕیاڵ مەدرید ئاشکرا کرد

پەیام سپۆرت - بڕیار تەها

کارلۆ ئانچلۆتی ڕاهێنەری یانەی ڕیاڵ مەدرید ڕایدەگەیەنێت، ئیدین هازاردی بەلجیکی و هێرشبەری یانەکەی بۆ وەرزی داهاتووش لە پلانەکانیدا دەبێت و یانەکە جێناهێڵێت.

 لە میانەی ئەو کۆنگرە ڕۆژنامەوانییەی بۆ یاری یانەکەی بەرانبەر ئیلچی بۆی ساز کرا بوو، سەبارەت بەو دەنگۆیانەی باس لە فرۆشتنی هازاردی تەمەن 31 ساڵ دەکەن، ئانچلۆتی وەڵامی پرسیاری پەیامنێرەکانی دایەوە و وتی: نەک تەنیا بۆ یەم وەرزە، بەڵکو بۆ وەرزی داهاتووش هازارد لە پلانەکانی ئێمەدا دەبێت و دەتوانم ئەوە دووپات بکەمەوە.

لە درێژەی قسەکانیدا ڕاهێنەرەکەی قەڵای سپی ئاماژەی بەوە کرد، هازارد بۆ یارییەکەیان بەرانبەر ئیلچی لە پێکهاتەی سەرەکیدا دەبێت.
سەبارەت بە ئامادەیی یاریزانەکانی دیکەی یانەکەی بۆ ئەو یارییە ئانچلۆتی ئەوەی ئاشکرا کرد، هەریەکە لە ئاسێنسیۆ و ماریانۆ و فایخۆ لە ماسولکەکانیاندا پێکانیان هەیە و یاری ناکەن، هەرچی کارڤاخاڵیشە تا ئێستا ڤایرۆسی کۆرۆنای تێنەپەڕاندووە.

لە کۆتاییدا ئانچلۆتی وتی: پێموایە یاریزانەکانم لە دۆخێکی زۆر باشدان و ماندووبوونیان نەماوە، ساتی یاری هەڵبژاردەکانی ئەمریکای باشووریش نەک تەنیا ئێمە بەڵکو یانەکانی دیکەش گرفتی ڕۆیشتنەوەی یاریزانیان بۆ دروست دەبێت و ناچارین مامەڵە لەگەڵ دۆخەکەدا بکەین.

لە تۆڕە کۆمەڵایەتیەکان شەیری بکە

  • 1 رۆژ پێش ئێستا

    کڵۆپ: دڵنیام تەواوی یانەکە پەیوەندی بە جێڕاردەوە دەکەن

  • 2 رۆژ پێش ئێستا

    دیشامپ: هەرگیز ئامۆژگاری مباپێ ناکەم

  • 2 رۆژ پێش ئێستا

    پیکێ واز لە بەرشەلۆنە ناهێنێت

  • 3 رۆژ پێش ئێستا

    جێڕارد: دەبێت بەرانبەر مان. سیتی ئەم کارە بکەین

  • 7 رۆژ پێش ئێستا

    فەڕمی، بایرن میونخ چارەنووسی لیڤاندۆڤسکی ئاشکرا کرد

  • پێش 1 هەفتە

    پیکێ: مۆرینیۆ وای لە یاریزانەکانی ڕیاڵ کردبوو وەڵامی سڵاوی ئێمەیان نەدەدایەوە

  • پێش 1 هەفتە

    نهێنێ کۆبوونەوەی بریکارەکەی مانێ لەگەڵ بەرپرسانی بایرن میونخ ئاشکرا دەبێت

  • پێش 2 هەفتە

    بزانە سیمیۆنی ڕێڕەوی ڕێزلێنان بۆ ڕیاڵ دەکات؟ وەڵامی ئانچلۆتی بۆ قسەکەی چێبووە؟

سەرەتا