بەرپرسێکى یەکێتى: لە رێکنەکەوتن هەموومان باج دەدەین بەڵام بۆ پارتی قورستر دەبێت

پەیام

ئارێز عەبدوڵڵا ئەندامی مەكتەبی سیاسیی یەكێتی لە وتارێکیدا رایدەگەیەنێت "لە رێكنەكەوتن هەمومان باج دەدەین، بەڵام بەهۆی بەشداریكردن لەبەرەی "سەدر - حەلبوسی" ئەنجام ‌و باجەكەی بۆ پارتی قورستر دیارن".

راشیدەگەیەنێت "هەرچەندە، پارتی یەکلایەنە چۆتە ناو بەرەی صەدر – حەلبوسی و بەو هەنگاوەش درزی نێوان هەردوو هێزە سەرەکیەکەی کوردستان فراوانتر بووە، بەڵام لەگەڵ ئەوەشدا هێشتا دەرفەت بۆ رێککەوتنەوە و هەماهەنگی لەبەر دەستە".

ئاماژەى بەوەشکردووە: ڕەنگە یەکێتی و پارتی رێکبکەونەوە، کە ئەوەش ڕێگا ڕاستەکەیە، بەڵام لە بارێکدا ھەردوولا تاک تاک و بە جیاواز ڕێگای بەغدا بگرینەوە بەر ئەگەری دروستبوونی لێکەوتەی نەخوازراوی ھەیە. 

ئارێز عەبدوڵڵا ئەوەشى نوسیوە "وەدەستهێنانی ئەو پۆست و ئەم پۆست بۆ ئەم لایەن و ئەو لایەن لە چاو پێویستی و بەرپرسیارێتی کاری هاوبەش لە بەغدا هیچ بەهایەکیان نییە". 

هەروەک جەختى لەوەشکردووەتەوە: لە رێکنەکەوتن هەموومان باج دەدەین، بەڵام بە ھۆکاری بەشداریکردن لە بەرەی صەدر - حەلبوسی ئەنجام و باجەکەی بۆ پارتی قوڕستر دیارن.