گواردیۆلا وادەی وازهێنانی لە کاری ڕاهێنەرایەتی ئاشکرا دەکات

پەیام سپۆڕت - بڕیار تەها

پێپ گورادیۆلای ئیسپانی ڕەتیدەکاتەوە پێش کۆتایی هاتنی ماوەی گرێبەستەکەی لە یانەی مانچستەر سیتی بروات و ڕاشیدەگەیەنێت، هەر کاتێک هەست بە ماندوون بکات ئەوا واز لە کاری ڕاهێنەرایەتی دەهێنێت.

لە میانەی دیدارێکی لەگەڵ ڕۆژنامەی گاردیانی بەڕیتانی، سەبارەت بە داهاتووی لەگەڵ یانە ئینگلیزییەکە و وادەی وازهێنانی لە کاری ڕاهێنەرایەتی گورادیۆلا وەڵامی چەند پرسیارێک دەداتەوە و سەرەتا دەڵێت: داهاتووم لەگەڵ یانەی مانچستەر سیتی پەیوەستە بە ئەنجامەکانەوە و بەرپرسانی یانەکە هەموو شتێکیان بۆ فەراهەم هێنام و لەگەڵیان ئاسوودەم، ناتوانم ناپاکیان لەگەڵ بکەم و پێش کۆتایی هاتنی بۆندەکەم یانەکەیان جێبهێڵم، ئێمە تا ئێستا دووجار گرێبەستەکەمان نوێ کردۆتەوە.

لە درێژەی قسەکانیدا گواردیۆلا ئاماژەی بەوە کرد، هەر کاتێک هەستی بە هیلاکی و ماندووبوون کرد ئەوا بڕیاری وازهێنان لە کاری ڕاهێنەرایەتی دەدات، بەڵام لە ئێستادا هەست بە تەندروستی باش  و ئاسوودەی دەکات.

لە کۆتایشدا پێپ باسی لەوە کرد، یانەکەیان هێشتا دەتوانێت ئاستێکی باشتر نیشان بدات و بەشێک لە یاریزانەکانیش دەتوانن ئاستی خۆیان باشتر بکەن و وەرزی ئەمساڵ زۆری ماوە، پێویستە ئاگادار بن.