17/01/2022
462 جار خوێنراوەتەوە
دوای ڕۆیشتنی "کۆتینیۆ" بەرشەلۆنە دەرگای ڕۆیشتن بە ڕووی چوار یاریزانی دیکەدا دەکاتەوە
پەیام سپۆرت –
مەروان تالب
یانەی بەرشەلۆنەی
ئیسپانی پاش ڕۆیشتنی فلیپ کۆتینیۆ و یوسف دێمیر دەیەوێت دەستبەرداری چوار یاریزانی
دیکە بێت.
لە ماوەی ڕابردوو
فلیپ کۆتینیۆ بە خواستن و تا کۆتایی وەرزەکە پەیوەندی بە یانەی ئەستۆن ڤێلاوە کرد،
کۆتایشی بە خواستنەکەی یوسف دێمیر هێنا و گەڕایەوە ڕابید ڤییینای نەمسا.
ڕۆژنامەی سپۆڕتی
کەتەلۆنی بڵاوی کردۆتەوە، ماتیۆ ئالێمانی بەڕێوەبەری وەرزشی بەرشەلۆنە کار بۆ ئەوە
دەکات پێش ئەوەی مێرکاتۆی زستانە کۆتایی بێت دەستبەرداری سامویل ئومتیتی
بەرگریکاری یانەکەی بێت، ئەوەش سەرەڕای ئەوەی یانەکە گرێبەستەکەی تا هاوینی 2026
درێژ کردۆتەوە، بەڵام لەسەر داوای چاڤی بەرشەلۆنە دەیەوێت بە خواستن بیداتە
یانەیەک.
سەرچاوەکە ئەوەشی
ئاشکرا کردووە، ناوی دووەم " لوک دی
یۆنگ"ی هۆڵندییە، هەرچەندە هێرشبەرەکەی بەم دواییە ئاستێکی بەرزی نیشان داوە،
بەڵام یانەکە دەیەوێت کۆتایی بە خواستنەوەی بهێنێت، دێستی ئەمریکیش یەکێکی دیکەیە
لەو یاریزانانەی لە پلانی چاڤی نییە و یانەکەش ئامادەیە هەر یانەیەک ئارەزووی
گواستنەوەی بکات دەستبەرداری بن، یانەی چێڵسیش خواستی گواستنەوەی ئەو یاریزانەی
هەیە.
سپۆرت کۆتا ناویشی
بڵاوکردۆتەوە، ئەویش دیپای هێرشبەری هۆڵندییە، کە ئاستی وەک پێویست نییە و یانەکەش
بیر لەوە دەکاتەوە بە فرۆشتن یان بە خواستن بێت دەستبەردای بێت، لە ماوەی ڕابردووش
ڕۆژنامەکان باسییان لە ئاڵوگۆڕکردنی لەگەڵ ئالڤارۆ مۆڕاتای هێرشبەری یانەی
یۆڤانتۆس دەکرد.
لە تۆڕە کۆمەڵایەتیەکان شەیری بکە