چاڤی.. تەنیا یەک هەڵەمان بەرانبەر ڕیاڵ مەدرید هەبوو و دەبێت چارەسەری بکەین

پەیام سپۆڕت - مەروان تاڵب

چاڤی هێرناندێزی ڕاهێنەری یانەی بەرشەلۆلە دڵخۆشە بە ئاستی یاریکردنی یانەکەی سەرەڕای ئەوەی بەرانبەر ریاڵ مەدرید شکستییان هێناوە.

لە لێدوانێکیدا دوای یارییەکە بۆ ڕۆژنامەی مۆندۆدیپۆرتیڤۆ چاڤی وتی: ئەنجامەکە خەمناک و بێزارکەرە، بەڵام شانازی بەو یارییەوە دەکەین بەرانبەر ریاڵ کردمان، زۆر لەو یانەیە باشتر بووین لە ڕووی یاریکردن و کۆنتڕۆڵکردنی یاریگاشەوە، بەڵام ئەم شکستە دەبێتە خاڵیکی وەچەرخان بۆ یانەکەمان و هەنگاوێکە بۆ بەرەوپێشچوونی بەرشەلۆنە.

ڕاهێنەرەکەی بەرشەلۆنە باسی لەوەش کرد، لە یارییەکەدا هەندێک هەڵەیان هەبووە، ئەویش لەدەستدانی تۆپ بووە، دەبێت لە یارییەکانی داهاتوو ئەو کێشەیە چارەسەر بکەن و تۆپ بەتەواوی کۆنتڕۆڵ بکەن، بە تایبەت کاتێک بەرانبەرەکەی پشت بە هێرشی هەڵگەڕاوە دەبەستێت.

چاڤی کۆتایی بە قسەکانی هێنا و وتی: ئیمە بە شانازییەوە جامەکە جێدەهێڵین، شایەنی گەیشتن بووین بە یاریی کۆتای، هیچ ڕەخنەیەکم لە یاریزانەکانم نییە، پابەندی تەواو بوون، سەرەڕای ئەوەی زۆربەیان گەنجن، بەڵام کاتی ئەوە هاتووە ئەنجامی باش بەدەست بهێنین.