پێکهاتەی پێشبینیکراوی ڕیاڵ و بەرشە بۆ کلاسیکۆی ئەمشەو

پەیام سپۆڕت - بڕیار تەها

وا بڕیارە ئەمشەو لە کاتژمێر 10:00 بە کاتی کوردستان هەردوو یانەی ڕیاڵ مەدرید و بەرشەلۆنە لە میانەی یاری پێشکۆتایی جامی سوپەری ئیسپانی کە لە وڵاتی سعودییە بەڕێوە دەچێت ڕووبەڕووی یەک ببنەوە.

میدیاکانی ئیسپانیاش پێکهاتەی پێشبینیکراوی هەردوو یانەکەیان بە ڕەچاوکردنی یاریزانە بەشداربووەکانی نێو مەشقەکان بڵاوکردۆتەوە و ڕۆژنامەی موندۆ دیپۆڕتیڤۆی کەتەلۆنی وەک یەکێک لە باوەڕپێکراوترین میدیاکانی ئەو وڵاتە بەم شێوەیە پێشبینی پێکهاتەی هەردوو یانەکەی کردووە.

ڕیاڵ مەدرید بە ڕاهێنەرایەتی ئانچلۆتی ڕاهێنەر پشت بە داڕشتەی 4-3-3 دەبەستێت و یاریزانەکان بریتی دەبن لە؛
گۆڵچی – کۆرتوا
بەرگریکاران- مێندی، ئالبا، میلیتاو، کارڤاخاڵ
ناوەند- کاسێمیرۆ، کرووس، مۆدریچ
هێرشبەران- ڤینیسیۆس، بێنزیمە، ئاسێنسیۆ

هەرچی بەرشەلۆنەشە بە ڕاهێنەرایەتی چاڤی هێرناندێز پشت بە هەمانشێوە بە داڕشتەی 4-3-3 یاری دەکات و یاریزانەکان بریتی دەبن لە؛
گۆڵچی- تێر شتیگن
بەرگریکاران- ئاراوخۆ، پیکێ- لینگلێت- ئالبا
ناوەند- بوسکێتس، نیکۆ، گاڤی
هێرشبەران- ئالڤێس، دێمبڵی، تۆرێس