كه‌شناسی: ئه‌مشه‌و له‌ زۆرێك له‌ ناوچه‌كانی هه‌رێم نمه‌ باران ده‌بارێت

په‌یام

كه‌شناسیی هه‌رێم بڵاویكرده‌وه‌ كه‌ ئه‌مشه‌و ئاسمان له‌ زۆرێك له‌ ناوچه‌كانی هه‌رێمی كوردستان هه‌وری ته‌واو ده‌بێت و ئه‌گه‌ری نمه‌باران هه‌یه‌.

به‌ڕێوه‌به‌رایه‌تی گشتیی كه‌شناسی و بومه‌له‌رزه‌زانیی هه‌رێم ڕایگه‌یاند بە گوێرەی تازەترین پێشبینییەکان ئەمشەو ئاسمانى ناوچەکانى ناوەڕاست و ڕۆژهەڵات و باکورى ڕۆژهەڵاتى هەرێم و بەشێک لە ناوچەکانى گەرمیان و کرکووک هەورى تەواو دەبێت لەگەڵ دەستپێکردنى باران بارین بە شێوەى نمەباران و بارانى مام ناوەند.

هەروەها ئاماژه‌ی به‌وه‌شداوه‌ پێشبینى دەکرێت ڕێژەى باران بارین لە ناوچە شاخاویەکانى هەولێر و بەشێک لە ناوچەکانى ئیدارەى ڕاپەڕین زیاتر بێت لەگەڵ بارینى کەمێک بەفر لە ناوچەشاخاویەکانى باکورى ڕۆژهەڵات.

وتیشی: ئەگەرى باران بارینى مام ناوەند هەیە لە سەنتەرى شارەکانى هەولێر و کرکوک و هەڵەبجە و سلێمانى

كه‌شناسی ڕێژه‌ی باران بارینی 12 کاتژمێرى ڕابردووى هەندێک لە ناوچەکانى هەرێمی بڵاوكرده‌وه‌ به‌م شێوه‌یه‌:

دهۆک دڵۆ دڵۆپ
زاخۆ 5.1 ملم
کانى ماسى 5.2 ملم
باتوفە 2.6 ملم
سمێلان 1.0 ملم
سیدەکان 0.6 ملم
بارزان 1.2 ملم
دوکان 0.6 ملم
سۆران 0.6 ملم