29/11/2021 182 جار خوێنراوەتەوە

لیژنه‌ی تایبه‌ت به‌ لێكۆڵینه‌وه‌كان له‌باره‌ی هه‌وڵی تیرۆركردنی كازمی ورده‌كاری ده‌خاته‌ڕوو

پەیام

راوێژكاری ئاسایشی نه‌ته‌وه‌یی عیراق رایگه‌یاند ده‌ره‌نجامی سه‌ره‌تایی لێكۆڵینه‌وه‌كان له‌باره‌ی هه‌وڵی تیرۆركردنی مسته‌فا كازمی سه‌رۆكوه‌زیرانی عیراق ئاشكرا ده‌كه‌ن، جه‌ختیشی كرده‌وه‌ به‌هۆی كه‌مته‌رخه‌می له‌ كاره‌كانیان، هه‌ردوو به‌ڕێوه‌به‌ری پوچه‌ڵكردنه‌وه‌ی ته‌قینه‌وه‌كان و به‌ڵگه‌كانی تاوان راپێچی لێكۆڵینه‌وه‌ كراون.

قاسم ئه‌عره‌جی راوێژكاری ئاسایشی نه‌ته‌وه‌یی و راسپێردراو بۆ لێكۆڵینه‌وه‌ له‌ هه‌وڵی تیرۆركردنی مسته‌فا كازمی، ڤیدیۆی چركه‌ساتی هێرشكردنه‌ سه‌ر ماڵی كازمیی بڵاوكرده‌وه‌، به‌وته‌ی ئه‌عره‌جی زانیارییان له‌باره‌ی فڕۆكه‌ بێفڕۆكه‌وانه‌كانه‌وه‌ ده‌ستكه‌وتووه‌ كه‌ به‌ دوو بۆمب هێرشه‌كه‌ی ئه‌نجامداوه‌، به‌لام یه‌كێك له‌ بۆمبه‌كان نه‌ته‌قیوه‌ته‌وه‌.

راوێژكاری ئاسایشی نه‌ته‌وه‌یی له‌كۆنگره‌یه‌كی رۆژنامه‌وانیدا رایگه‌یاند هیچ كه‌س و لایه‌نێك تۆمه‌تبار ناكه‌ن به‌ ئه‌نجامدانی هێرشه‌كه‌ و ئه‌گه‌ر پێویست بكات بۆ لێكۆڵینه‌وه‌ په‌نا بۆ وڵاتانی دۆست ده‌به‌ن به‌مه‌به‌ستی هاوكاریكردنیان.

راشیگه‌یاند ماڵی سه‌رۆكوه‌زیران رووبه‌ڕووی هێرشێكی تیرۆریستانه‌ بووه‌ته‌وه‌ كه‌ تیایدا ژیانی كراوه‌ته‌ ئامانج و نێوان ئه‌و دوو موشه‌كه‌ی ئاراسته‌ی ماڵه‌كه‌ی كراون ته‌نها پێنج مه‌تر نێوانیان بووه‌ كه‌ یه‌كێكیان شوێنی دانیشتن و ئه‌ویتریان شوێنی هاتنه‌ده‌ره‌وه‌ی كردووه‌ته‌ ئامانج.

لە تۆڕە کۆمەڵایەتیەکان شەیری بکە

  • 20 کاتژمێر پێش ئێستا

    پێچه‌وانه‌ی سه‌در، مالیكی جه‌خت له‌ "حكومه‌تی شه‌راكه‌ت" ده‌كاته‌وه‌

  • 20 کاتژمێر پێش ئێستا

    ته‌ندروستیی عێراق: منداڵانی ته‌مه‌ن شه‌ش ساڵ بۆ سه‌ره‌وه‌ ده‌توانن پێكوته‌ وه‌ربگرن

  • 23 کاتژمێر پێش ئێستا

    عێراق.. بەهۆى ھەناردەنەکردنی غازەوە حەوت ھەزار میگاوات لە بەرھەمھێنانی کارەبا کەمبووەتەوە

  • 2 رۆژ پێش ئێستا

    عێراق.. سێ پێشنیار بۆ چاره‌سه‌ركردنی قه‌ره‌باڵغیی هاتووچۆ ده‌خرێته‌ڕوو

  • 2 رۆژ پێش ئێستا

    كازمی: ئه‌و تاوانه‌ی له‌ دیاله‌ به‌رانبه‌ر رۆڵه‌كانمان ئه‌نجام درا، به‌بێ تۆڵه‌ تێناپه‌ڕێت

  • 2 رۆژ پێش ئێستا

    پارێزگاری دیاله‌ هێرشه‌كه‌ی داعشی خسته‌ ئه‌ستۆی سوپا

  • 4 رۆژ پێش ئێستا

    دانیشتنی دادگای فیدڕاڵی له‌سه‌ر دۆسیه‌ی سه‌رۆكایه‌تی په‌ڕله‌مان دواخرا

  • 4 رۆژ پێش ئێستا

    دادگای فیدراڵیی عێراق تاوتوێی‌ ئه‌و سكاڵانه‌ ده‌كات لەسه‌ر دانیشتنی په‌ڕله‌مان تۆماركراون

سەرەتا