29/11/2021
865 جار خوێنراوەتەوە
پاریس لە ترسی ڕیاڵ مەدرید ئامادەیە ئەم کارە بۆ مباپێ بکات
پەیام سپۆڕت - مەروان تاڵب
یانەی پاریس
سانجێرمان بە مەبەستی پارێزگاری کردن لە تواناکانی مباپێ هەوڵەکانی بۆ نوێکردنەوەی
گرێبەستەکەی دەستپێدەکاتەوە.
ماڵپەڕی le 10 sport فەڕەنسی رایگەیاند، پاریس سانجێرمان لە پێناو
هێشتنەوە و نوێکردنەوەی گرێبەستی کیلیان مباپێ فەڕەنسی هەموو هەوڵێکی خۆی دەدات و
ئامادەشە هەموو شتێک پێشکەشی یاریزانەکە بکات بۆ مانەوەی لە یانەکەدا، ئامادەشە زۆرترین موچەی بۆ دابین بکات.
جێگەی ئاماژەیە
مباپێ لە ماوەی ڕابردوو سێ جار گرێبەستی نوێی پاریسی ڕەتکردۆتەوە و یانەکەش
ئامادەن سەرجەم داواکارییەکانی جێبەچی بکەن و ئەمەش لە پێناو ئەوەی هاوینی داهاتوو
یاریزانەکە بە بێ بەرانبەر پاش کۆتایی هاتنی گرێبەستەکەی ڕیزی یانەکە جێنەهێڵێت.
لە ئێستادا بژاردەی
سەرەکی کیلیان مباپێ پەیوەندی کردنە بە یانەی ڕیاڵ مەدرید و ئەو یانەیەش هاوینی
ڕابردوو چەندین ئۆفەری گرانبەهای پێشکەشی پاریس کرد بەڵام یانە فەڕەنسییەکە سەرجەم
ئۆفەرەکانی ئەو یانەیەی ڕەتکردەوە.
لە تۆڕە کۆمەڵایەتیەکان شەیری بکە