28/11/2021 167 جار خوێنراوەتەوە

تا ئێستا ڤایرۆسه‌ گۆڕاوه‌كه‌ی كۆرۆنا "ئۆمیکرۆن" لە عێراق بڵاونەبوونەتەوە

په‌یام

بەڕێوەبەری گشتیی تەندروستیی لە وەزارەتی تەندروستیی و ژینگەی عێراق، ریاز عەبدولئەمیر حەلفی رایگەیاند، ئەگەر گۆڕاوی ئۆمیکرۆن کە جۆرێکی گۆڕاوی ڤایرۆسی کۆرۆنای نوێیە لە عێراق بڵاوببێتەوە، ئەوە پەنا دەبنە بەر گرتنەبەری رێشوێنەکانی پێشووی خۆپارێزیی.

ریاز عەبدولئەمیر حەلفی لە لێدوانێکی رۆژنامەوانیدا ئاماژەی بەوەداوە، تا ئێستا پەتای گۆڕاوی ئۆمیکرۆن لە عێراق بڵاونەبووەتەوە و گوتی: " ئەگەر گۆڕاوی ئۆمیکرۆن لە عێراق بڵاوببێتەوە، ئەوە پەنا دەبینە بەر گرتنەبەری رێشوێنەکانی پێشووی خۆپارێزیی لەوانە داخستنی شوێنە گشتییەکان، دووپەرێزیی کۆمەڵایەتیی و ھەروەھا وەرگرتنی ڤاکسین".

گۆڕاوی ئۆمیکرۆن لە ئەفریقیای باشوور سەرھەڵداوە و بڵاوبووەتەوە.

بەڕێوەبەری گشتیی تەندروستیی لە وەزارەتی تەندروستیی و ژینگەی عێراق، ریاز عەبدولئەمیر حەلفی گوتی: "لەئێستادا، چەندین وڵات لە ترسی بڵاوبوونەوەی گۆڕاوی ئۆمیکرۆن قەدەخەی گەشتکردنیان بۆ ئەفریقیای باشوور راگەیاندووە، چونکە زۆر بەخێرایی بڵاودەبێتەوە".

وتیشی: "ھیچ گرەنتیەک نییە لەوەی گۆڕاوی ئۆمیکرۆن لە عێراق بڵاونەبێتەوە، بۆیە پێویستە بۆ ھەموو ئەگەرەکان خۆمان ئامادە بکەین".

بەڕێوەبەری گشتیی تەندروستیی لە وەزارەتی تەندروستیی و ژینگەی عێراق، ریاز عەبدولئەمیر حەلفی باسی لەوەشکردووە، ژمارەی ئەو قوتابیانەی کە تەمەنیان لە نێوان ١٢ بۆ ١٧ ساڵە ڤاکسینیان وەرگرتووە، گەیشتووەتە ١٧٠ ھەزار کەس و گوتی: "چاوەڕوان دەکرێت تا کۆتایی ئەمساڵ، نۆ بۆ ١٠ ملیۆن کەس لە عێراق ڤاکسین وەربگرن".

ئەمەیش لە کاتێکدایە تا ئێستا دوو ملیۆن و ٧٩ ھەزار و ٨٤ کەس لە عێراق تووشی ڤایرۆسی کۆرۆنای نوێ بوون، لەو ژمارەیەش ٢٣ ھەزار و ٧٧٢ کەس گیانیان لەدەستداوە و دوو ملیۆن و ٤٠ ھەزار و ٩٧٨ کەسیش چاکبوونەتەوە.

ھەروەھا تا ئێستا، حەوت ملیۆن و ٣٢٠ ھەزار و ٦٨٠ کەس لە عێراق دۆزی یەکەم و دووەمی ڤاکسینی کۆرۆنایان وەرگرتووە.

لە تۆڕە کۆمەڵایەتیەکان شەیری بکە

  • 21 کاتژمێر پێش ئێستا

    پێچه‌وانه‌ی سه‌در، مالیكی جه‌خت له‌ "حكومه‌تی شه‌راكه‌ت" ده‌كاته‌وه‌

  • 21 کاتژمێر پێش ئێستا

    ته‌ندروستیی عێراق: منداڵانی ته‌مه‌ن شه‌ش ساڵ بۆ سه‌ره‌وه‌ ده‌توانن پێكوته‌ وه‌ربگرن

  • 24 کاتژمێر پێش ئێستا

    عێراق.. بەهۆى ھەناردەنەکردنی غازەوە حەوت ھەزار میگاوات لە بەرھەمھێنانی کارەبا کەمبووەتەوە

  • 2 رۆژ پێش ئێستا

    عێراق.. سێ پێشنیار بۆ چاره‌سه‌ركردنی قه‌ره‌باڵغیی هاتووچۆ ده‌خرێته‌ڕوو

  • 2 رۆژ پێش ئێستا

    كازمی: ئه‌و تاوانه‌ی له‌ دیاله‌ به‌رانبه‌ر رۆڵه‌كانمان ئه‌نجام درا، به‌بێ تۆڵه‌ تێناپه‌ڕێت

  • 2 رۆژ پێش ئێستا

    پارێزگاری دیاله‌ هێرشه‌كه‌ی داعشی خسته‌ ئه‌ستۆی سوپا

  • 4 رۆژ پێش ئێستا

    دانیشتنی دادگای فیدڕاڵی له‌سه‌ر دۆسیه‌ی سه‌رۆكایه‌تی په‌ڕله‌مان دواخرا

  • 4 رۆژ پێش ئێستا

    دادگای فیدراڵیی عێراق تاوتوێی‌ ئه‌و سكاڵانه‌ ده‌كات لەسه‌ر دانیشتنی په‌ڕله‌مان تۆماركراون

سەرەتا