ڕاهێنەری میلان هۆکاری بردنەوەیان لە ئەتلەتیکۆ مەدرید ئاشکرا کرد

پەیام سپۆرت - بڕیار تەها

ڕاهێنەری یانەی ئەیسی میلانی ئیتاڵی هۆکاری بردنەوەی یانەکەی لە یانەی ئەتلەتیکۆ مەدرید ئاشکرا دەکات.

لە پاش تەواوبوونی یارییەکەیان و لە میانەی لێدوانێکی بۆ میدیاکان سەبارەت بە هۆکاری بردنەوەیان لە ئەتلەتیکۆ مەدرید، ستیفانۆ پیۆلی ڕاهێنەری ڕۆسۆنێری وتی: ئێمە متمانەمان بە خۆمان هەبوو لەگەڵ ئەوەشدا زۆر بە بوێرانە بەرانبەر ئەو یانەیە یاریمان کرد و ئەمەش هۆکار بردنەوەکەمان بوو، لە ئێستادا تەنیا دەتوانم ئاهەنگ لەگەڵ یاریزانەکان بگێڕم چونکە ئاستێکی زۆر بەرزیان نیشان دا.

لە وەڵامی پرسیاری پەیامنێرانیش سەبارەت بە نوێکردنەوەی گرێبەستەکەی پیۆلی وتی: من لەگەڵ یانەکەم هاوڕام و متمانە و ڕێزێکی زۆر لە نێوانماندا هەیە، دەبێتە ئەم هەماهەنگییە بەم شێوەیەی ئێستا بەردەوام بێت، ئەمە ئەو کارەیە کە جیاوازیی لە کوالیتی و بیرۆکەی یاریکردنی یانەکە دروست دەکات.

بەپێی قسەکانی پیۆلی بێت ڕاهێنەری ناوبروا ئامادەیە گرێبەستەکەی لەگەڵ یانە ئیتاڵییەکە نوێ بکاتەوە.