پێش 4 هەفتە 6941 جار خوێنراوەتەوە

گه‌رمبوونی پێ..گرنگترین هۆكار و نیشانه‌كانی

په‌یام

گه‌رم بوونی پێی مرۆڤ
گرنگترین هۆکار و نیشانه‌کانی
شێوازی ده‌ست نیشانکردن و چارسه‌کردنی
هه‌ستکردن به‌ بوونی گه‌رمی له‌ پێ دا دیارده‌یه‌کی زۆر باوه‌ و ئه‌و که‌سه‌ بێزار ده‌کات به‌ڵام له‌ هه‌مان کات دا گه‌لێک حاڵه‌ت وه‌ک پێویست هۆکاره‌کانی نادۆزرێنه‌وه‌ و ده‌ست نیشان و چاره‌سه‌ر ناکرێن.

گرنگترین هۆکاره‌کانی کەرم بوونی پێی مرۆڤ:

1-زۆربه‌ی حاڵه‌ته‌کان به‌ بۆنه‌ی تێک چوونی ده‌ماره‌کانی پێ و قاچه‌کان ڕوو ده‌دات له‌به‌ر هۆکاری جیاوازه‌وه‌ له‌وانه‌:
نه‌خۆشی شه‌کره‌ : به‌ تایبه‌ت کاتێ ئاستی شه‌کره‌ی نه‌خۆشه‌که‌ زۆر ناڕێک بێت و زوو زوو به‌رز بێته‌وه‌؛ هه‌روه‌ها دوای تێپه‌ڕ بوونی چه‌ند ساڵێک به‌ سه‌ر بوونی نه‌خۆشی شه‌کره‌.
که‌می ڤیتامین تایبه‌ت: ڤیتامین ( B6 ) ( B12) ,( Folic Acid) .
سستی گورچیله‌ یان وه‌ستانی گورچیله‌.
زۆر خواردنه‌وه‌ی مادده‌ کحوله‌یه‌کان.
سستی غودده‌ی ده‌ره‌قی.
ژه‌هراوی بوون به‌ جیوه‌ ، زه‌رنیخ له‌ کارێکاری ناو کارگه‌کان ڕوو ده‌دات.
نه‌خۆشی ئایدز، نه‌خۆشی ( Lyme disease ) ، ( Erythromelalgia ) ، ( Chronic inflammatory demyelinating polyneuropathy (CIDP) نه‌خۆشی کۆنیشانه‌ی گۆلیان بێری.
بوونی فشار له‌ سه‌ر ده‌مارێکی دیاریکراو له‌ قاچ.
به‌کارهێنانی هه‌ندێ ده‌رمان وه‌ک : میتڤۆڕمین ، ئه‌مایۆداڕۆن ، ئایزۆنایه‌زاید ، ده‌رمانی چاره‌سه‌ری کیمیاوی ، بڕێکی زۆر له‌ ڤیتامین ( B6) ، هتد.

2-نه‌خۆشی ته‌سک بوونه‌وه‌ی خوێنبه‌ره‌کانی پێ و قاچ یان هه‌وکردنی خوێنبه‌ره‌کانی پێ و قاچ.

3-نه‌خۆشی هه‌وکردنی په‌نجه‌ و پێ به‌ هۆی که‌ڕووه‌وه‌ ( athlete's foot ) .

4-دوای نه‌خۆشی بڕینی گه‌دده‌ بۆ چاره‌سه‌ری قه‌ڵه‌وی.

که‌ی پێویسته‌ سه‌ردانی پزیشک بکه‌یت؟

1- به‌رده‌وام بوونی هه‌ستکردن به‌ بوونی گه‌رمی له‌ پێ دا زیاتر له‌ دوو هه‌فته‌.
2- زیادکردنی گه‌رمی پێ له‌گه‌ڵ ئازاری زۆر.
3- هه‌ستکردن به‌ بوونی گه‌رمی له‌ قاچ دا.
4- نه‌مانی هه‌ست له‌ په‌نجه‌ و پێ دا.
فه‌حسکردنی نه‌خۆش له‌ لایه‌ن پزیشکه‌وه‌ بۆ دیارکردنی هۆکار و جۆر و قۆناغی نه‌خۆشیه‌که‌ و هه‌بوونی ئاکام و ده‌رئه‌نجامی مه‌ترسیدار

1-فه‌حسی خوێن :
فه‌حسی گشتی: CBP & ESR : ڕێژه‌ی خوێن ، ، ئاستی شه‌کره‌ ، فه‌حسی گورچیله‌ ، چه‌وری خوێن ، ئه‌نزیمه‌کانی جگه‌ر
فه‌حسی ڤیتامین؛ به‌ تایبه‌ت ڤیتامین ( Folic Acid) (B6 ) ، ( B6 ) .
فه‌حسی هۆرمۆن: غوده‌ی ده‌ره‌قی.
زه‌رعی خوێن بۆ بوونی هه‌وکردن ، فه‌حسی کۆئه‌ندامی به‌رگری ، نه‌خۆشی بۆماوه‌یی.
2-هێڵکاری ماسوولکه‌کانی قاچ وپێ.
3-ده‌رهێنانی ئاوی پشت: بۆ فه‌حس و زه‌رع
4-وه‌رگرتنی نموونه‌ له‌ ده‌ماره‌کان له‌ هه‌ندێ حاڵه‌تی تایبه‌ت.

شێوازی چاره‌سه‌رکردنی:

۱ـــ نه‌هێشتنی هۆکاری سڕبوونه‌که‌ ئه‌گه‌ر ( یان که‌مکردنه‌وه‌ی ) به‌ ڕێگه‌ی شیاو بۆ نموونه‌ :
کۆنتڕۆڵ کردنی نه‌خۆشی شه‌کره‌ له‌ ڕێگه‌ی ده‌رمان و پارێزی خواردنه‌وه‌ ، هه‌روه‌ها هه‌موو نه‌خۆشیه‌کانی تر.
گۆڕینی ئه‌و ده‌رمانانه‌ی ده‌بنه‌ هۆی سڕ بوون به‌ جۆرێکی تر گونجاو.
چاره‌سه‌رکردنی که‌می ڤیتامین.
چاره‌سه‌ری حاڵه‌تی هه‌وکردنی په‌نجه‌ و پێ به‌ هۆی که‌ڕووه‌وه‌ ( athlete's foot ) له‌ ڕێگه‌ی حه‌پ و مه‌ڵحه‌می پێویست.

2-له‌ ڕێگه‌ی ده‌رمانه‌وه‌ وه‌ک :
‏amitriptyline (Elavil)
‏carbamazepine (Tegretol)
‏desipramine (Norpramin)
‏duloxetine (Cymbalta)
‏gabapentin (Neurontin)
‏pregabalin (Lyrica)
‏topiramate (Topamax)
‏venlafaxine (Effexor XR)
تێبینی: به‌کارهێنانی ده‌رمان پێویسته‌ له‌ لایه‌ن پزیشکه‌وه‌ دیاری بکرێت و سه‌رپه‌رشتی ماوه‌ی به‌کارهێنانی بکات

دكتۆر هه‌ڤین که‌مال شاه محه‌مه‌د
پسپۆڕ له‌ زانستی ئازار و به‌نج

لە تۆڕە کۆمەڵایەتیەکان شەیری بکە

  • 4 رۆژ پێش ئێستا

    هۆکاری به‌رده‌وام بوونی ئازاری سه‌وڤانی ئه‌ژنۆ

  • 5 رۆژ پێش ئێستا

    نه‌رمبوونی ئێسك – هۆكاره‌كان ونیشانه‌كانی

  • 6 رۆژ پێش ئێستا

    شه‌قیقه‌ - چۆنیه‌تی ده‌ستنیشانكردنی – چاره‌سه‌ركردنی

  • پێش 1 هەفتە

    شه‌قیقه‌ - هۆكاره‌كه‌ی و جۆره‌كانی

  • پێش 1 هەفتە

    نیشانە پێش وەختەكانی جەڵتە

  • پێش 1 هەفتە

    ھۆکارەکانی ئازاری باریکایی پشت "سێبەندە"

  • پێش 1 هەفتە

    نەخۆشیەکانی فەقەرات و ئینزیلاق

  • پێش 2 هەفتە

    نەخۆشی گەنم چییە؟ نیشانه‌كانی و چاره‌سه‌ره‌كه‌ی

سەرەتا