سەرۆکى کۆمەڵ: هێرشكردنه‌سەر ماڵی کازمى پێشهاتێكی مه‌ترسیداره‌و بۆنی ته‌سفیه‌ حسابی ده‌وڵه‌تانی لێدێ

پەیام 

له‌باره‌ی هێرشكردنه‌ سه‌ر شوێنی مانه‌وه‌ی مسته‌فا كازمی، سه‌رۆكوه‌زیرانی عێراق و هه‌وڵی تیرۆركردنی، مامۆستا عه‌لی باپیر، سه‌رۆكی كۆمه‌ڵی دادگه‌ریی كوردستان ڕاگه‌یه‌نراوێكی بڵاوكرده‌وه‌، كه‌ ئه‌مه‌ ده‌قه‌كه‌یه‌تی:

به‌ناوی خوای به‌خشنده‌ی میهره‌بان

رو‌و‌داوی هێرشكردنه‌ ماڵی سه‌رۆكوه‌زیران به‌ڕێز مسته‌فا كازمی، پێشهاتێكی زۆر مه‌ترسیداره‌ و دۆخی ئه‌منی عێراق به‌ره‌و ئاقارێكی خراپتر له‌وه‌ی هه‌یه‌ ده‌بات و بۆنی ته‌سفیه‌ حسابی ده‌وڵه‌تانی لێده‌كرێ. 

ئێمه‌ له‌كۆمه‌ڵی دادگه‌ریی به‌توندی ئیدانه‌ی ده‌كه‌ین و هیوادارین هه‌رچی زووتر گرفت و كێشه‌كان به‌ڕیشه‌یی چاره‌سه‌ر بكرێن و رێ له‌ دووباره‌ بوونه‌وه‌ی ئه‌و جۆره‌ هه‌وڵانه‌‌ بگیرێت كه‌ زه‌ره‌رمه‌ندی گه‌وره‌ خه‌ڵكی عێراقه‌ به‌گشتی و به‌هه‌موو پێكهاته‌كانیه‌وه‌.

عه‌لی باپیر
7-11-2021