07/11/2021
848 جار خوێنراوەتەوە
درێژترین ماوەی مانگگیرانی سەدەی 21 لەم مانگەدا ڕوو دەدات
پهیام
پێشبینی دەكرێت لەم مانگەدا درێژترین ماوەی
مانگگیران لە سەدەی 21 ڕووبدات و لە زۆربەی وڵاتانی جیهانەوە ببینرێت.
میدیاكانی ئەمریكا لە زاری بەرپرسانی دەزگای بۆشاییگەری
ئەمریكی (ناسا)وە بڵاویان كردەوە: ڕۆژی هەیینی 19ی ئەم مانگە زەوی دەكەوێتە نێوان
خۆر و مانگەوە و بە تەواوی مانگ دەگیرێت.
ئەو ڕووداوە سرووشتییە لەمساڵدا ڕوو دەدات بە
درێژترین ماوەی مانگگیران لەسەدەی 21دا دادەنرێت بەو پێیەی لە سەرەتای دەستپێكردنی
تا كۆتایی هاتنی سێ سەعات و 28 خولەك و 23 چركەی پێدەچێت.
دیاردەی مانگ گیران كاتێك ڕوودەدات زەوی بكەوێتە
نێوان خۆر و مانگەوە، بەوەش سێبەری زەوی بەر مانگ دەكەوێت.
بەپێی زانیارییەكانی ناسا، لە ئەمریكا و وڵاتانی
ئەمریكای باكوور بە تەواوی ڕووداوەكە دەبینرێت، هەروەها لە وڵاتانی خۆرهەڵاتی ئاسیا
و ئوستوڕالیا و باكووری ئەورووپا و چەند وڵاتێكی دیكە رووداوەكە دەبینرێت و بەڕێژەی
لەسەدا 97 زەوی دەكەوێتە نێوان مانگ و خۆرەوە.
ئەمەو پێشتر ئاژانسی ناسا پێشبینی ڕوودانی 197
حاڵەتی مانگگیرانی لە هەشت دەیەی داهاتووی ئەم سەدەیەدا كردبوو.
لە تۆڕە کۆمەڵایەتیەکان شەیری بکە