پێش 4 هەفتە 337 جار خوێنراوەتەوە

زستان و پایز، پێویسته‌ چ خۆراكێك زیاتر بخورێت؟


بەهۆی نزمی پلەی گەرما و دەستپێکی شەپۆلی سەرما، جەستەی مرۆڤ پێویستی زیاتری بە کۆمەڵێک خواردن و خواردنەوە هەیە، بۆ بەهێزکردنی بەرگری لەش و خۆپاراستن لە پەتا و هەڵامەت، هەروەها بۆ نەهێشتنی هەست بە سەرما و  رێگریکردن لە قەڵەوی، کە گرنگترینیان ئەمانەن: 
١. میوە مزرەمەنییەکان و کێوی و هەنار و سێو؛ دەوڵەمەندن بە ڤیتامین سی و ئەی و ماددە دژە ئۆکسانەکانی تر. 
٢. سەوزە گەڵا تۆخەکانی وەکو کەلەرم، قەڕەنابیت، نەعنا. 
٣. پاقلەمەنیەکان، بە تایبەتی شۆربای نیسک، نۆکاو، لۆبیا، ماش. 
٤. سیر و پیاز، بۆ بەهێزکردنی بەرگری جەستە  چی بە کاڵی یا لە ناو چێشت، هەروەها هەنگوینی سروشتی.
٥. زەنجەبیل، گرنگە بۆ کەمکردنەوەی ئاوسانی قوڕگ و کەمکردنەوەی هەوکردنی کۆئەندامی هەناسە و بەهێزکردنی بەرگری لەش، دەکرێت رۆژانە چای زەنجەبیل یا گیراوەی لێمو و زەنجبیل یا زەنجەبیل و لێمۆ و هەنگوین بخورێتەوە. 
٦. خواردنەوەی چای گژوگیا وەک چای گوڵەبەیبوون، ڕازیانە، گوڵەمێخەک، زەنجەبیل، چای سەوز  لەبری  ئەو خواردنەوەی بڕێکی زۆر  ماددەی کەڤییان تێدایە، وەکو چا و قاوەی ڕەش بە تایبەت ئەگەر شەکری تێبکرێت، شەوان لە بری چاو قاوە کوپێک شیری گەرم یا چای گژوگیا بخۆرەوە. 
٧. ماسی سەلموون و توونە و هەموو جۆرە ماسیەکانی تر بە بەرژاوی . 
٨. سینگی  مریشک و قەل و پەلەوەر، هەروەها گۆشتی سووری بێ چەوری (کاتی رێجیمی کیتۆ و هاۆشێوەکانی نەبێت).
٩. دانەوێڵە تەواوەکان وەک ئاردی بۆر و برنجی بۆر و قاوەیی، تۆووی شیاو شۆڤان لە بری ئاردی سپی و برنجی سپی. 
١٢. چەرەسات، گوێز و بادەم و دەنکە کولەکەو گازۆ. 
١١. خواردنی بڕی پێویست لە ماددە ڕێشاڵیەکان لە ڕێگای خواردنی سەوزە و میوە ڕۆژانە دوو بۆ سێ جار. 
١٢. خواردنەوەی بڕی پێویست لە ئاو رۆژانە لە نێوان ژەمەکان  لانی کەم زیاتر لە شەش پەرداخ ڕۆژانە. 
 
د. کامەران رەسوڵ ژاژڵەیی ـ پسپۆڕی زانستی خۆراک

لە تۆڕە کۆمەڵایەتیەکان شەیری بکە

  • پێش 1 هەفتە

    گازی فرمێسکڕێژ چییەو چۆن خۆمان بپارێزین؟

  • پێش 2 هەفتە

    وەرزی سەرمایە، چۆن خۆمان بپارێزین لە زیادبوونی ئازاری ماسولکەو جومگە؟

  • پێش 2 هەفتە

    باشترین کات کەیە بۆ خواردنی میوە؟

  • پێش 3 هەفتە

    ئایا نان دەبێتە هۆی قەڵەوی؟

  • پێش 4 هەفتە

    زستان و پایز، پێویسته‌ چ خۆراكێك زیاتر بخورێت؟

  • 26/10/2021

    پێنج سودی دیکەی چا بزانە

  • 24/10/2021

    چۆن خۆمان له‌ په‌تای وه‌رزی بپارێزین؟

  • 22/10/2021

    چۆن چاره‌سه‌ری لاوازی و كه‌میی كێشت ده‌كه‌یت؟

سەرەتا