23/10/2021
901 جار خوێنراوەتەوە
نەوت و كانزاكانی سلێمانی: دەست بە دابەشكردنی نەوت دەكرێت و کێشەى غازیشمان نییە
پەیام
محەمەد حەسیب بەڕێوەبەری نەوت و كانزاكانی سلێمانی رایگەیاند، لەئێستادا بڕی پێویست نەوتی سپییان لەبەردەستە و لە سبەینێوە لە ناوچە ساردەكانی پارێزگای سلێمانی دەست بە دابەشكردن دەكرێت، جەختی لەوەش كردووەتەوە، كێشەی كەمی غاز نییە و نرخیشی گران نەبووە.
محەمەد حەسیب بە ماڵپەڕی فەرمی یەكێتی راگەیاندووە: لەئێستادا بڕی پێویست نەوتی سپییان لەبەردەستە و لە رۆژی ٢٤ى ١٠ى ٢٠٢١ ەوە لە ناوچە ساردەكانی پارێزگای سلێمانی دەست بە دابەشكردن دەكرێت و هەوڵدەدەن لەماوەیەكی كەمدا دابەشكردن لەو ناوچانە كۆتایی بێت.
راشیگەیاندووە: دوای ناوچە ساردەكان لەناو شاریش دەست بەدابەشكردنی نەوت دەكرێت، ئەم نەوتەی لەبەردەستە و رۆژانە دەینێرن نەوتی هەرێمی كوردستانە و تاوەكو ئێستا نەوتی بەغدایان بەدەست نەگەیشتووە.
بەڕێوەبەری نەوت و كانزاكانی سلێمانی جەختی لەوەش كردووەتەوە، رۆژانە بڕی پێویستیان بەدەست دەگات و تائێستا هیچ كێشەیەكیان بۆ نەهاتۆتە پێش، لەبارەی غازیشەوەیە وتی، "لە سلێمانی كێشەی كەمی غازی ماڵانمان نییە و نرخیشی نەگۆڕاوە و هەر وەك خۆیەتی".
لە تۆڕە کۆمەڵایەتیەکان شەیری بکە