23/10/2021
448 جار خوێنراوەتەوە
مەهدى شوشتەریی: هەر کەسێک ڤاکسینی وەرنەگرتبێت ڤیزای ئێرانى پێنادرێت
پەیام
مەهدى شوشتەریی سەرکونسوڵگەری کۆماری ئیسلامی ئێران لە سلێمانی لە راگەیەندراوێكدا دەڵێت "هەر کەسێک ڤاکسینی دژە كۆرۆنای وەرنەگرتبێت ڤیزای ئێرانی پێنادرێت".
روونیشیکردووەتەوە "ئاگاداری خوازیارانی وەرگرتنی ڤیزای ئێران دەکاتەوە بەپێی ڕێنمایی و پڕۆتۆکۆلی تەندروستی ڕاگەیەندراوی وەزارەتی تەندروستی کۆماری ئیسلامی ئێران، لە ڕۆژی شەممە بەرواری ١ی ئابانی ١٤٠٠ بەرامبەر بە ٢٣ی تشرینی یەکەمی ٢٠٢١ی زایینی، تەواوی هاوڵاتیانی بیانی بۆ چونە ناو ئێران لە گشت سنورەکانی وشکانی، دەریایی و ئاسمانی پێویستە کارتی ڤاکسینی کۆرۆنا (کە ١٥ ڕۆژ بەسەر ژەمی دوەمی ڤاکسینەکەدا تێپەڕی بێت) و هەروەها ئەنجامی نێگەتیڤی پشکنینی (پی.سی.ئار)ی کۆرۆنا بە ماوەی ٩٦ کاتژمێریان پێ بێت".
راشیگەیاندووە: "بۆیە داواکارانی وەرگرتنی ڤیزا لەم سەرکونسوڵگەرییە پێویستە کارتی ڤاکسینی کۆرۆنا و پشکنینی (پی.سی.ئار)ی کۆرۆنا بە ماوەی ٩٦ کاتژمێر بخەنەڕوو".
لە تۆڕە کۆمەڵایەتیەکان شەیری بکە