22/10/2021 265 جار خوێنراوەتەوە

مەزڵوم كۆبانێ‌: توركیا هەوڵی هەڵگیرساندنی شەڕ دەدات

په‌یام

وەزارەتی دەرەوەی توركیا ڕایگەیاند، لە كاتی گونجاودا ئۆپەراسیۆن بۆ سەر ڕۆژئاوای كوردستان ئەنجام دەدەن. فەرماندەی هێزەكانی سووریای دیموكراتیش دەڵێت "توركیا هەوڵی هەڵگیرساندنی شەڕ دەدات".

مەزڵووم كۆبانێ‌، فەرماندەی هێزەكانی سووریای دیموكرات (هەسەدە)، لە تویتێكدا دەڵێت "لە كاتێكدا كە هەموو خەڵكی سووریا داوای ئاشتی دەكەن، توركیا ڕێككەوتنەكان پێشێل دەكات".

مەزڵووم كۆبانێ‌ دەشڵێت "تۆپبارانكردنی هاووڵاتیانی مەدەنی لە كۆبانێ‌ هەوڵدانە بۆ هەڵگیرساندنی شەڕ و، داوا لە لایەنە گەرەنتیكارەكان دەكەین كە بە ئەرك و بەرپرسیارێتیی خۆیان هەستن".

ئەمە لە كاتێكدایە ئەمڕۆ وتەبێژی وەزارەتی دەرەوەی توركیا دەربارەی ئەگەری هێرش بۆ سەر ڕۆژئاوی كوردستان و هەسەدە، ڕایگەیاند "هەر هەڕەشەیەك بكرێتە سەر ئاسایشی توركیا و لە هەر شوێنێكەوە بێت، ڕووبەڕووی كاردانەوە دەبێتەوە".

وتەبێژی وەزارەتی دەرەوەی توركیا جەختی كردەوە كە "توركیا بە پێداگرییەوە هەنگاوە پێویستەكان دەنێت و ئەمە بۆ سووریاش هەمان شتە. هەر كاتێك مەرجەكان گونجاو بێت و ڕێكبكەوێت، هێرش و ئۆپەراسیۆنی پێویست ئەنجام دەدەن".

هەینیی ڕابردوویش لە بەرانبەر كوژرانی چەند سەربازێكی وڵاتەكەی، ڕەجەب تەیب ئەردۆغان، سەرۆككۆماری توركیا هەڕەشەی لە هێزەكانی سووریای دیموكرات كرد.

توركیا هێزەكانی سووریای دیموكرات بە كوشتنی چەند سەربازێكی وڵاتەكەی لەناو خاكی سووریا تۆمەتبار دەكات و هەسەدەیش ڕەتی دەكاتەوە كاری ئەوان بێت.

لە تۆڕە کۆمەڵایەتیەکان شەیری بکە

  • 3 کاتژمێر پێش ئێستا

    كه‌شناسی سلێمانی: كۆی گشتی باران بارینی ئه‌مساڵ تا ئێستا 37ملم بووه‌

  • 4 کاتژمێر پێش ئێستا

    گه‌رمیان.. ته‌رمی ئه‌و رۆژنامه‌نووسه‌ی به‌ ڕووداوی هاتوچۆ گیانی له‌ده‌ستدا؛ به‌خاكسپێدرا

  • 5 کاتژمێر پێش ئێستا

    فراكسیۆنی كۆمەڵ: پەیام دەنگێکی بڵندو دلێر بووە دژی گەندەڵی و ستەمکاری و سەرکوتکردن

  • 16 کاتژمێر پێش ئێستا

    كه‌شناسی: ئه‌مشه‌و له‌ زۆرێك له‌ ناوچه‌كانی هه‌رێم نمه‌ باران ده‌بارێت

  • 17 کاتژمێر پێش ئێستا

    عه‌لی حه‌مه‌ ساڵح: له‌ دابینكردنی‌ پڕۆژه‌و خه‌رجی و خزمه‌تگوزاریدا په‌یڕه‌وی‌ دوو ئیداره‌یی ده‌كرێت

  • 18 کاتژمێر پێش ئێستا

    وته‌بێژی حكومه‌ت: داهاتی سلێمانی وه‌ك پێویست ناگه‌ڕێته‌وه‌ بۆ خه‌زێنه‌ی حكومه‌ت

  • 18 کاتژمێر پێش ئێستا

    به‌ڕێوه‌به‌ری تۆڕی میدیایی كۆمه‌ڵ: په‌یام له‌ به‌ره‌ی‌ خه‌ڵكدا ده‌مێنینه‌وه‌

  • 23 کاتژمێر پێش ئێستا

    ڤیدیۆ.. ئاگر لە پەرلەمانی کوردستان كه‌وته‌وه‌

سەرەتا