21/10/2021
242 جار خوێنراوەتەوە
خۆپیشاندان و مانگرتن دژبە ئەنجامەکانی ھەڵبژاردنەکان لە بەغدا بەردەوامە
په‌یام
خۆپیشاندان و مانگرتنی لایەنگرانی ئەو لایەنانەی کە لە ھەڵبژاردنەکانی پێشوەختەی ئەنجوومەنی نوێنەرانی عێراقدا دەنگی کەمیان هێناوە، دژبە ئەنجامەکان لە ناوەڕاستی بەغدا درێژەی ھەیە.
میدیا عێراقییەکان بڵاویان کردەوە کە لە میانی خۆپیشاندانەکاندا، خۆپیشاندەران ئەنجامە بەراییەکانی ھەڵبژاردنەکانی پێشوەختەی ئەنجوومەنی نوێنەران ڕەت دەکەنەوە و داوا دەکەن دووبارە پڕۆسەی ژماردن و جیاکردنەوەی دەنگەکان بە دەست لەلایەن کۆمیسیۆنەوە ئەنجام بدرێتەوە.
لە ڕۆژی سێشەممەوە خۆپیشاندان و مانگرتنی لایەنگرانی ئەو لایەنانەی کە لە ھەڵبژاردنەکانی پێشوەختەی ئەنجوومەنی نوێنەرانی عێراق دەنگی کەمیان هێناوە لە نزیک ناوچەی سەوز له ناوەڕاستی بەغدا، ئەنجام دەدرێت.
ڕۆژی شەممەی ڕابردوو، کۆمیسیۆنی باڵای سەربەخۆی ھەڵبژاردنەکان لە عێراق، دوایین ئەنجامە بەراییەکانی ھەڵبژاردنەکانی پێشوەختەی ئەنجوومەنی نوێنەرانی ڕاگەیاند کە ژمارەیەک لایەن بە تایبەتی شیعەکان ئەنجامەکانیان قبوڵ نەکرد.
لە تۆڕە کۆمەڵایەتیەکان شەیری بکە