21/10/2021
3304 جار خوێنراوەتەوە
توركیا.. سزای زیندانیی ھەتاھەتایی بۆ تۆمەتبارى كوشتنى حەوت ئەندامی خێزانه كورده‌كه‌ی قۆنيا درا
په‌یام
داواکاری گشتیی کۆماریی قۆنیا لە باشووری ناوەڕاستی تورکیا، لێکۆڵینەوەکانی دەربارەی ئەو ھێرشە چەکدارییەی قۆنیا، کە کوشتنی حەوت ئەندامی یەک خێزانی لێکەوتەوە تەواو کرد. لە تۆمەتنامەکەدا، بە تۆمەتی کوشتن بە ھەستێکی "دڕندانە"، داوای حەوت جار زیندانی ھەتاھەتایی قورسکراو بۆ تۆمەتبار مەھمەت ئاڵتون کراوە.
لە چوارچێوەی ئەو لێکۆڵینەوەی کە لە لایەن داواکاری گشتییەوە بەڕێوەدەچێت، دوای کۆکردنەوەی سەرجەم بەڵگەکان، کارە پێویستەکانی لێکۆڵینەوە لە دۆسيەكە کۆتایی ھات.
لە تۆمەتنامەکەدا ئەو ھاتووە کە تۆمەتباری دەستگیرکراو مەھمەت ئاڵتون، تاوانەکەی "بە ئەنقەست" ئەنجامداوە.
لە تۆمەتنامەکەدا، بە تۆمەتی کوشتن بە ھەستێکی "دڕندانە"، داوای حەوت جار زیندانیی ھەتاھەتایی قورسکراو بۆ تۆمەتبار ئاڵتون کراوە.
ھەر لە چوارچێوەی لێکۆڵینەوەکاندا، بە تۆمەتی "ھاندان بۆ کوشتنی حەوت کەس بە ھەستێکی دڕندانە و ئەنقەست"، داوای حەوت جار زیندانی ھەتاھەتایی قورسکراو و بە تۆمەتی "ھاندان بۆ سووتان و زیانگەیاندن بە ماڵ"، داوای ھەشت ساڵ زیندانی بۆ ھەر یەک لە ١٠ تۆمەتباری دیکەی دۆسیەکە کراوە.
ھاوکات بەھۆی نەبوونی بەڵگەی تەواو لەسەر تێوەگلانی ھاوسەر، باوک و دایکی تۆمەتبار مەھمەت ئاڵتون، لە کوشتنەکە، بڕیاری ئازادکردنیان درا.
لە تۆڕە کۆمەڵایەتیەکان شەیری بکە