19/10/2021
300 جار خوێنراوەتەوە
نوێنەری تایبەتی ئەمریکا بۆ ئەفغانستان دەستی لەکار کێشایەوە
پهیام
وەزیری دەرەوەی ئەمریکا، ئەنتۆنی بلینکن دەستلەکارکێشانەوەی نوێنەری تایبەتی وڵاتەکەی بۆ ئەفغانستان، زاڵمای خەلیلزاد و دانانی جێگرەکەی تۆماس وێست بۆ شوێنەکەی راگەیاند.
لەو بارەیەوە ئەنتۆنی بلینکن لە راگەیەندراوێکدا ئاماژەی بەوەداوە ''نوێنەری تایبەتی ئەمریکا بۆ ئەفغانستان، زاڵمای خەلیلزاد پۆستەکەی جێدەهێڵێت. سوپاسی دەکەم کە دەیان ساڵ خزمەتی خەڵکی ئەمریکای کرد. تۆماس وێست کە پێشتر وەک جێگری نوێنەری تایبەتی کاری کردووە، دەبێتە نوێنەری تایبەتی ئەمریکا بۆ ئەفغانستان''.
زاڵمای خەلیلزاد کە لەلایەن سەرۆکی پێشووی ئەمریکا، دۆناڵد ترەمپ کرایە نوێنەری تایبەتی ئەو وڵاتە بۆ کاروباری ئەفغانستان، رۆڵێکی گرنگی هەبوو لە دانوستانەکانی ئەمریکا لەگەڵ تاڵیبان.
لە تۆڕە کۆمەڵایەتیەکان شەیری بکە