18/10/2021
295 جار خوێنراوەتەوە
ئهمریكا و سعودیه لهدهریای سور مانۆڕێكی سهربازی ئهنجامدهدهن
پهیام
بە مەبەستی گەرەنتیکردنی
ئازادی گەڕان، سعوودیە و ئەمریکا لە دەریای سوور مانۆڕی هاوبەشی دەریایی ئەنجام دەدەن
کە ١٠ رۆژ دەخایەنێت.
بەپێی ئاژانسی هەواڵیی
فەرمی سعوودیە، رۆژی یەکشەممە، دووەم مانۆڕی دەریایی "پاسەوانی شین ٢١"
لەنێوان هێزی دەریایی ئەمریکا و سعوودیە لە دەریای سوور دەستی پێ کردووە.
مانۆڕەکە کە بەمەبەستی
بەهێزکردنی پەیوەندییەکان و هاریکاری سەربازیی و بەرزکردنەوەی ئاستی ئامادەیی بۆ جەنگ
ئەنجامدراوە، ١٠ رۆژ دەخایەنێت.
لە هەواڵەکەدا
باس لەوە کراوە کە ئامانجی مانۆڕەکە بریتیە لە'' پاراستنی دەریاکان بۆ ئازادی گەڕان
و رێگای ئاوی هەرێمایەتیی و نێودەوڵەتیی لە دەریای سووردا و دەستەبەرکردنی ئاسایشی
دەریا''.
لەلایەکی دیکەوە
لە راگەیەندراوێکدا کە لەلایەن ئاژانسەکەوە بڵاوکراوەتەوە، باس لەوە کراوە کە بە بەشداری
هێزی ئاسمانی سعوودیە و چەند وڵاتێکی دۆست و برا مانۆڕی ناوەندی جەنگیی مووشەکیی
ئاسمانیی ٢٠٢١ لە بنکەی ئاسمانیی سەرکەوتن لە ئیمارات دەستی پێ کردووە و تیایدا هێزی
ئاسمانیی سعوودیە بە سیستمی فڕۆکەی F-15SE بەشداریان لە مانۆڕەکەدا کردووە.
لە راگەیەندراوەکەدا
باس لەوە نەکراوە کە چ وڵاتێک بەشداری لە مانۆڕەکەدا کردووە و ماوەکەی چەندە.
لە تۆڕە کۆمەڵایەتیەکان شەیری بکە