13/10/2021
897 جار خوێنراوەتەوە
یاریزانێکی هەڵبژاردەی فەڕەنسا سزای یەک ساڵ زیندانی بەسەردا سەپێندرا
پەیام سپۆرت
لوکاس هێرناندێزی
فەڕەنسی و بەرگریکاری یانەی بایرن میونخی ئەڵمانی لەلایەن دادگای وەرزشی شاری
مەدریدەوە سزای یەک ساڵ زیدانی بەسەردا دەسەپێت.
ڕۆژنامەی ئاسی
ئیسپانی ئاشکرای کردووە، بە تۆمەتی بەکارهێنانی توندوتیژی دژی هاوسەرەکەی لە ساڵی
2017دا دادگای شاری مەدرید بڕیاریداوە بە سزادان و زیدانیکردنی لوکاس هێرناندێزی
فەڕەنسی و ماوەی زیدانیکردنەکەشی یەک ساڵ دەبێت.
سەرچاوەکە ئاماژەی
بەوەشکردووە، دادگا داوای لە لوکاس هێرناندێز کردووە تا 19ی ئەم مانگە بگەڕێتەوە
شاری مەدرید تا ئەوەی یەکێک لەو زیندانیانە هەڵبژێرێت کە مەبەستێتی سزاکەی تیا
بەسەر بەرێت.
بەپێی ئەو تۆمەتەی
لەسەری ساغ بۆتەوە، هێرناندێز ساڵی 2017 کاتێک لە یانەی ئەتلەتیکۆ مەدرید
یاریکردووە توندوتیژی بەرانبەر هاوسەرەکەی بەکارهێناوە و هاوسەرەکەشی لە دادگای
مەدرید سکاڵای لە دژی تۆمار کردبوو.
هێرناندێز چەند
ڕۆژێک پێش ئێستا لەگەڵ هەڵبژاردەی فەڕەنسا توانی نازناوی جامی نەیشنلیگ بباتەوە و
لە یاری کۆتاییدا توانیان بە ئەنجامی 2-1 بەسەر هەڵبژاردەی ئیسپانیا سەربکەون.
لە تۆڕە کۆمەڵایەتیەکان شەیری بکە