دیپای بڕگەیەکی گرێبەستەکەی لەگەڵ بەرشەلۆنە لابردووە و پەشیمان بۆتەوە

پەیام سپۆڕت

مێمفیس دیپای هۆڵەندی و یاریزانی نوێ بەرشەلۆنە ئامادە نەبووە ماوەی گرێبەستەکەی لەگەڵ یانە کەتەلۆنیەکە بۆ یەک ساڵی دیکە درێژ بکاتەوە.

 ڕۆژنامەی موندۆ دیپۆرتیڤۆی کەتەلۆنی ئاشکرای دەکات، مێمفیس دیپای ڕازی نەبووە گرێبەستەکەی لەگەڵ بەرشەلۆنە بۆ وەرزی سێیەم بەشێوەیەکی یەکلایەنە بۆ درێژ بکرێتەوە و ئەو مەرجە لە گرێبەستەکە سڕاوەتەوە، بەو جۆرەش یاریزانەکە تا هاوینی 2023 گرێبەستی لەگەڵ بەرشەلۆنە هەیە.

موندۆ ئەوەشی خستۆتە ڕوو، بەرێوەبەری بەرشلۆنە دەبێت لە وەرزی داهاتووەوە لەگەڵ مێمفیس دیپای گرێبەستێکی نوێ تاوتوێ بکات، بۆ ئەوەی یاریزانەکە بێ بەرانبەر کامپ نۆ جێنەهێڵێت.

لە کۆتایدا سەرچاوە باسی لەوەشکردووە، بڕی هەڵوەشاندنەوەی گرێبەستی  مێمفیس دیپای لەگەڵ بەرشەلۆنە 500 ملیۆن یۆرۆیە.

بەرشەلۆنە هاوینی ئەمساڵ بە گرێبەستێکی ئازاد گواستنەوەی دیپایان لە لیۆنی فەڕەنسیەوە تا هاوینی 2023  ڕاگەیاند.