25/09/2021
251 جار خوێنراوەتەوە
کیللینی ئامانجێکی گەورەی بۆ داهاتوو ئاشکرا دەکات
پەیام سپۆڕت
جۆرجیۆ کیللینی
بەرگریکار و کاپتنی یانەی یۆڤانتۆسی ئیتاڵیا داوا لە هاندەرانی یانەکەی دەکات
ئارامگرتنیان هەبێت و بۆ تێپەڕاندنی ئەم دۆخە پێویستیان بە کاتە و ڕاشیدەگەیەنێت،
ئامانجی هەیە بەشداری مۆندیالی داهاتوو بکات.
لە دیدارێکی کورتدا
لەگەڵ ڕۆژنامەی سکای سپۆرتی ئیتاڵیا سەبارەت بە ئەنجامە خراپەکانی سەرەتایی ئەم
وەرزەی یانەکەی، کیللینی وتی: پێویستە لەم زەریا نائارامەدا پارێزگاری لە مانەوەی
کەشتییەکەمان بکەین، بڕواشم وایە دەتوانین ئەم دۆخە تێپەڕێنین.
لە درێژەی قسەکانیدا
کاپتنەکەی خانمەپیرەکە باسی لەوە کرد، بۆ گەڕانەوەی هاوسەنگی بۆ یانەکەیان پێویستی
بە کاتە و بەڵام لە بەختی ئەوان لەم کاتەدا کەس ئارامگرتنی نییە.
لە بەشێکی دیکەی
قسەکانیدا بەرگریکارەکەی ئازۆری سەبارەت بە بەشداریکردنی لە مۆندیالی 2022ی قەتەڕ
ئەوەی خستەڕوو، ئەگەر بتوانێت بە باشی مەشقەکانی بکات و لە یاریکردن لەگەڵ یانەکەی
بەردەوام بێت ئەوا دوور نییە بەشداری ئەو پاڵەوانێتییەش بکات.
لە کۆتایی قسەکانیدا
لەبارەی ئەوەی هەستەی دوای بردنەوەی نازناوی یۆرۆی بۆی دروست بووە کیللینی وتی: پاش
بردنەوەی ئەو نازناوە نموونەییە، هەستێکی تایبەتم هەیە و ئەم دەستکەوتە وا دەکات
هەرگیز نائومێد نەبیت.
لە تۆڕە کۆمەڵایەتیەکان شەیری بکە