24/09/2021
474 جار خوێنراوەتەوە
ئەمڕۆ كۆچبەرێكی دیكەی عێراقی لە سنوری نێوان بیلاڕوس و پۆڵەندا گیانی لەدەستدا
په‌یام
ئەمڕۆ
كۆچبەرێكی دیكەی عێراقی لە سنوری نێوان بیلاڕوس و پۆڵەندا گیانی لەدەستدا و بەمەش
ژمارەی ئەو كۆچبەرانەی لەماوەی هەفتەیەكدا لە سنورەكە گیانیان لەدەست داوە گەیشتە
پێنج كۆچبەر.
هاوكات
هەریەكە لە پۆڵەندا و یەكێتی ئەوروپا و لیتوانیا، بیلاڕوسیایان تۆمەتباركرد بەوەی
هانی كۆچبەران دەدات سنوورەكان ببەزێنن كەزۆرینەیان هاوڵاتیی عێراق و ئەفغانستانن،
ئەمەش وەك فشارێك لەسەر یەكێتییەكە.
هێزی
پاسەوانی سنوری پۆڵەندا رایگەیاندووە شەوی ڕابردوو كۆمەڵێك كۆچبەری عێراقی لە
سنووری بیلاڕوسەوە دەستگیركران، كە یەكێك لەوانە پیاوێك بوو كە دواتر گیانی لەدەستداو
پێشبینیی كردووە بەهۆی جەڵتەی دڵەوە گیانی لەدەستدابێت.
پاسەوانی
سنوریی پۆڵەندی ڕاشیگەیاندووە، تەنها لە مانگی ئابدا زیاتر لە سێ هەزار و 300 كۆچبەر
بەشێوەیەكی نایاسایی هەوڵیان داوە سنوری ئەو وڵاتە ببەزێنن.
هەفتەی
ڕابردووش چوار كۆچبەر بە مردوویی لە نزیك سنووری بیلاڕوس - پۆڵەندا دۆزرانەوە كە بەهۆی
سەرما و ماندووبوونەوە گیانیان لەدەستدابوو.
لە تۆڕە کۆمەڵایەتیەکان شەیری بکە