24/09/2021 567 جار خوێنراوەتەوە

زانایانی ئایینیی سونە و شیعە لە عێراق، كڕین و فرۆشتنی دەنگ و كارتی دەنگدانیان حەرام كرد

په‌یام

كۆڕبەندی شەرعزانی عێراقی كە باڵاترین مەرجەعی شەرعزانی سوننەكانە لە بەغدا، لە فەتوایەكدا رایدەگەیەنێت: كڕین و فرۆشتنی كارتی دەنگدان دروست نییە و پارەكەشی حەرامە، چونكە دەبێتە هۆی سەرخستنی خەڵكانی گەندەڵ و دەسەڵاتدار. 

هەروەها دەڵێت "كارت فرۆشتن یارمەتیدانە لەسەر كاری خراپە و گوێ نەدانە بە گرنگی شایەتیدان و لەدەستدانی ئەمانەت و بەرپرسیارێتییە، دەرگای ساختەكاری و تەزویر دەكاتەوە و هەموو هاوڕان لەسەر حەرامكردنی". 

كۆڕبەندییەكە كە دەزگایەكی دەوڵەتییە، داوا دەكات هەر كاندیدێك دەنگ یان كارتی دەنگدانی كڕی، مافی پاڵاوتنی لێ وەربگیرێتەوە، چونكە رەگەزێكی گەندەڵە و ئامانجە گۆڕانكاری تێك دەدات". 

لەلایەكی دیكەوە عەلی سیستانی مەرجەعی باڵای شیعەكان لە عێراق، فەتوایەكی لەبارەی كڕین و فرۆشتنی كارتی بایۆمەتری دەنگدان دەركرد و رایگەیاند، ئەو مامەڵەیە دروست نیە.

نوسینگەی عەلی سیستانی مەرجەعی باڵای شیعەكانی عێراق لەڕاگەیەندراوێكدا بڵاوی كردەوە، فرۆشتنی كارتی دەنگدان لەلایەن هاوڵاتیانەوە لە بەرامبەر بڕێك پارە یان بە دیاریەك و، بەشدارینەكردن لە پرۆسەی دەنگدان و هەوڵی هەندێك لە كاندیدەكان بۆ كڕینی دەنگ، مامەڵەیەكی دروست نییە و رێگە پێنەدراوە.

ئەمە لە كاتێكدایە لەگەڵ نزیكبوونەوە لە رۆژی دەنگدان بۆ هەڵبژاردنی پەرلەمانی عێراق، هەواڵی كڕینی دەنگ لەلایەن حیزب و كاندیدەكانەوە گەرمە.

بڕیارە هەڵبژاردنی پێشوەختە لە 10ی تشرینی یەكەم بۆ خولی پێنجەمی ئەنجومەنی نوێنەرانی عێراق بەڕێوە بچێت. ئەم هەڵبژاردنە بەگوێرەی یاسای ژمارە 9 ی ساڵی 2020 ئەنجام دەدرێت كە 18 پارێزگای عێراقی بۆ 83 بازنەی هەڵبژاردن دابەشكردووە.

لە تۆڕە کۆمەڵایەتیەکان شەیری بکە

  • 11 کاتژمێر پێش ئێستا

    موقتەدا سەدر داوای ئاشكراكردنی ئەنجامی لێكۆڵینەوەیەك دەكات

  • 15 کاتژمێر پێش ئێستا

    بانكی نێودەوڵەتی: بێئاوی و وشكەساڵی هەڕەشە لە داهاتووی عێراق دەكات

  • 15 کاتژمێر پێش ئێستا

    سەدر داواكارییەكی نهێنیی سێ سەرۆكایەتیی باڵای عێراق ڕەتدەكاتەوە

  • 22 کاتژمێر پێش ئێستا

    كۆمسیۆنی عێراق: ژماردنی دەستیی دوایین بنکە تانەلێدراوەکان کۆتاییهات

  • 5 رۆژ پێش ئێستا

    عێراق ئاماده‌ نییه‌ په‌یوه‌ندییه‌كانی له‌گه‌ڵ قه‌واره‌ی جووله‌كه‌ ئاسایی بكاته‌وه‌

  • 5 رۆژ پێش ئێستا

    ده‌وڵه‌تی یاسا داوای حكومه‌تی ته‌وافوقی ده‌كات و ره‌وتی سه‌دریش ره‌تیده‌كاته‌وه‌

  • 5 رۆژ پێش ئێستا

    موقته‌دا سه‌در: كۆمیسیۆنی هه‌ڵبژاردنه‌كان ڕووبه‌ڕووی فشار بووه‌ته‌وه‌

  • 5 رۆژ پێش ئێستا

    هادی عامری: ده‌نگی 10 هه‌زار وێستگه‌ هه‌ڵده‌وه‌شێته‌وه‌، ئه‌وه‌ش كاریگه‌ریی له‌سه‌ر ئه‌نجامه‌كان هه‌یه‌

سەرەتا