24/09/2021
348 جار خوێنراوەتەوە
ئیتالیا.. ڕێبەری سەربەخۆبوونی هەرێمی كەتەلۆنیا دەستگیر كرا
پهیام
لەبەر
رۆشنایی بڕیارێكی دادگای ئیسپانیا، كارلۆس پوجدمون رێبەری جوداخوازانی كەتەلۆنیا،
لەدورگەی ساردینیا لەخۆراوای ئیتاڵیا دەستگیر كرا.
كارلۆس
پوجدمون رێبەری سەربەخۆیی كەتەلۆنیا كەنوێنەری پەرلەمانی ئەوروپاو دانیشتووی وڵاتی
بەلجیكایە، لەلایەن حكومەتی ئیسپانیاوە لەساڵی 2017 بەئەنجامدانی گشتپرسی بۆ سەربەخۆیی
كەتەلۆنیا تۆمەتبار كرا، بەهۆی ئەوەی لەوكاتەدا سەرۆكی هەرێمی كەتەلۆنیا بووە.
بەپێی
وتەی پارێزەرەكەی، بڕیارە ئەمڕۆ پوجدمون لەبەردەم دادگا رابگیرێت و پێشبینی دەكرێت
ئیتاڵیا رادەستی ئیسپانیای بكاتەوە.
ئەنجامدانی
گشتپرسی سەربەخۆیی بۆ هەرێمی كەتەلۆنیا، قەیرانێكی گەورەی لە ئیسپانیادا بەدوای خۆیدا
هێناو لەدوای راگەیاندنی سەربەخۆیی لەلایەن پەرلەمانی هەرێمەكەوە، راستەوخۆ حكومەتی
مەدرید دەستیگرت بەسەر كاروبارەكانی ئەو هەرێمەداو بەهۆی بوونی پارێزبەندیی سەرۆكی
هەرێمی كەتەلۆنیا كە ئەندامی پەرلەمانی ئەوروپا بوو نەتوانرا دەستگیر بكرێت، بەڵام
چەند مانگێك لەمەوبەر ئەو پارێزبەندییەی لێ سەندرایەوەو دوای ئەوەی ناوبراو بۆ بەشداریكردن
لەڤیستیڤاڵێكی كەتەلۆنیدا گەشتی بۆ ئیتاڵیا كردبوو، پۆلیسی ئەو وڵاتە دەستگیریان
كرد.
لە تۆڕە کۆمەڵایەتیەکان شەیری بکە