23/09/2021
771 جار خوێنراوەتەوە
تۆخێل ناوی یاریزانێکی یۆڤانتۆسی خستۆتە سەرمێزی گفتوگۆی کارگێڕی چێڵسی
پەیام سپۆڕت
ڕاهێنەری یانەی
چێڵسی ناوی یاریزانێکی لاوی یانەی یۆڤانتۆسی خستۆتە سەر مێزی گفتوگۆی یانەکەی تا
ئەوەی کار بۆ گواستنەوەی بکەن.
ڕۆژنامەی (کاڵچۆ
مێرکاتۆ)ی ئیتاڵیا لە هەواڵێکی تایبەتدا باس لەوە دەکات، تۆماس تۆخێلی ڕاهێنەری
یانەی چێڵسی لە گواستنەوەی جۆل کۆندی بەرگریکاری ئیشبیلیە بێ ئومێد بووە و بە دوای
شوێنگرەوەیدا دەگەڕێت.
سەرچاوەکە
ئاشکرای کردووە، تۆخێل لە نوێترین بژاردەدا ناوی ماتیاس دی لیختی هۆڵندی و
بەرگریکاری یانەی یۆڤانتۆسی خستۆتە سەرمێزی گفتوگۆی کارگێڕی بلوز و داوای کردووە
بە 103 ملیۆن پاوەند گرێبەستی یاریزانەکە لەگەڵ خانمەپیرەکە هەڵبوەشێننەوە و
پەلکێشی یاریگای ستامفۆرد بریدیچی بکەن.
ڕۆژنامەکە ئەوەشی
ئاشکرا کردووە، تۆخێل ترسی لەوە هەیە لە مێرکاتۆکانی داهاتوودا یانەی ڕیاڵ مەدرید
ئانتۆنیۆ ڕۆدریگێزی بەرگریکاری یانەکەی بگوازنەوە، لەبەر ئەوە لە ئێستاوە دەیەوێت
یاریزانێکی لاو بۆ شوێنی ئەو بەرگریکارە ئەڵمانییەی یانەکەی بگوازێتەوە.
جێی ئاماژەیە
گرێبەستی دی لیخت لەگەڵ یانە ئیتاڵییەکە هاوینی 2024 کۆتایی دێت و لە ئێستاشدا
نرخی هەڵوەشاندنەوەی گرێبەستی یاریزانەکە نزیکەی 150 ملیۆن یۆرۆیە کە دەکات نزیکەی
103 ملیۆن پاوەند.
لە تۆڕە کۆمەڵایەتیەکان شەیری بکە