پێکهاتەی پێشبینیکراوی ڕیاڵ مەدرید بۆ یارییەکەی ئەمشەو بەرانبەر مایۆرکا

پەیام سپۆڕت

ڕیاڵ مەدرید لە درێژەی یارییەکانی هەفتەی شەشەمی خولی ئیسپانی ناسراو بە لالیگا میوانداری لە  یانەی ڕیاڵ مایۆرکا دەکات.

وا بڕیارە یارییەکە لە کاتژمێر 11:00ی شەو لەسەر یاریگای سانتیاگۆ بێرنابیۆ ئەنجام بدرێت و ڕیاڵ مەدرید بە 13 خاڵەوە چاوی لەوەیە خاڵەکانی بۆ 16 بەرز بکاتەوە و پێشەنگی خولەکە لە ئەتلەتیکۆ مەدرید وەربگرێتەوە، ڕیاڵ مایۆرکاش بە هەشت خاڵەوە لە پلەی 10م دێت.

میدیاکانی مەدریدیش پێشبینی دەکەن پێکهاتەی سەرەکی ڕیاڵ مەدرید لەسەر داڕشتەی 4-3-3 بەم شێوەیە بێت؛
گۆڵچی- کۆرتوا
بەرگری- ڤاسکوێز، ناچۆ، ئالابا، میگێل
ناوەند- ئانتۆنیۆ بلانکۆ، کاماڤینگا، ئیسکۆ
هێرشبەر- ڕۆدریگۆ، ڤینیسیۆس، بێنزیما

جێی ئاماژەیە هەریەکە لە، مێندی و مارسیلۆ و کارڤاخاڵ و گاریس بەیڵ و سیبایۆس و کرووس بەهۆی پێکانی جۆرا و جۆرەوە بەشداری ئەم یارییە ناکەن.