21/09/2021
608 جار خوێنراوەتەوە
بەرشەلۆنە پلانی نوێکردنەوەی گرێبەستی یاریزانێکی گرنگی یانەکەی هەیە
پەیام سپۆڕت
یانەی بەرشەلۆنە ئیسپانی
هەوڵەکانی بە مەبەستی نوێکردنەوەی گرێبەستی ڕۆناڵد ئاڕاخۆی ئۆرۆگوایی و بەرگریکاری
یانەکەی دەست پێکردووە.
ڕۆژنامەی مۆندۆدیپۆرتیڤۆی
کەتەلۆنی ئاشکرای دەکات، بەرشەلۆنە ئامادەیە پارێزگاری ئاراوخۆی بەرگریکاری لاوی یانەکەی
بکات و گرێبەستەکەی نوێبکاتەوە.
مۆند کە نزیکە لە یانە
کەتەلۆنیەکەوە ئەوەشی ئاشکرا کردووە، خودی یاریزانەکە دڵخۆشە لە بەرشەلۆنە، بەڵام نایەوێت
لە نوێکردنەوەی گرێبەستەکەی پەلە بکات.
لە کۆتایدا سەرچاوەکە
باسی لەوە کرد، بریکارەکەی ئاراخۆ چاوەڕێی ئۆفەری بەرشەلۆنە دەکات و هیواخوازن پێش
کۆتایی هاتنی ئەمساڵ گرێبەستەکەی نوێ بکەنەوە.
گرێبەستی ئاراخۆ هاوینی
2023 لەگەڵ یانە کەتەلۆنیەکە کۆتایی دێت، شەوی ڕابردوو ئاراخۆ ئاستێکی بەرزی بەرانبەر
گرانادا پێشکەش کرد، توانی یانەکەی لە شکست ڕزگار بکات و گۆڵی یەکسانی تۆمار بکات.
لە تۆڕە کۆمەڵایەتیەکان شەیری بکە