21/09/2021 206 جار خوێنراوەتەوە

پەرلەمانی لوبنان متمانەی بە کابینەی حکوومەتی نوێی وڵاتەكه‌ دا

 

په‌یام

پەرلەمانی لوبنان متمانەی بە کابینەی حکوومەتی نوێی وڵاتەكه‌، بە سەرۆکایەتی نەجیب میقاتیی دا.
لەو دانیشتنەی پەرلەمان کە لە کۆشکی ئەونیسکۆ رۆژئاوای بەیروت بۆ متمانە بەخشین بە کابینەی نوێی حکوومەت بەڕێوەچوو، كابینه‌كه‌ی نەجیب میقاتی لە کۆی ١٠٠ پەرلەمانتار کە ئامادەی دانیشتنەکە بوون، ٨٥ دەنگی بە دەست هێنا.
لە دانیشتنەکەدا کە کارنامەی حکوومەت گفتوگۆی لەسەر کرا، کابینەی نوێی حکوومەتی لوبنان بە سەرۆکایەتی نەجیب میقاتی ٨٥ دەنگی بەدەست هێنا، لە بەرامبەردا ١٥ پەرلەمانتار متمانە بەخشینیان بە کابینەکە رەتکردەوە و ١٧ پەرلەمانتاریش ئامادەی دانیشتنەکە نەبوون.
ئەنجوومەنی نوێنەرانی لوبنان لە ١٢٨ پەرلەمانتار پێکهاتووە کە هەشتیان دەستیان لە کار کێشاوەتەوە و سیانیشیان کۆچی دواییان کردووە، بەمەش ژمارەکە کەمبووەتەوە بۆ ١١٧ پەرلەمانتار.
سەرۆکوەزیرانی لوبنان، نەجیب میقاتی لە گوتەیەکدا به‌ر له‌ ده‌نگدانه‌كه‌ لە بەردەم پەرلەمانتارانی وڵاتەکەی ئاماژه‌ی به‌وه‌ كرد، حکوومەتی پێكه‌وه‌ بۆ ده‌رباز كردن (ناونیشانێكه‌ كه‌ دوای پێكهێنانی له‌ خۆی ناوه‌) به‌ ئەرکێك بۆ دەربازکردن پێکهێنراوە، و وتی: "خواستی ئێمە ئەوەیە ئامانجە هاوبەشەکانمان وەربگێڕێن بۆ دەرباز کردنی لوبنان و پارێزگاریی کردن لە لوبنانییەکان لەگەڵ پاراستنی شکۆیان و کۆتایی هێنان بە نەهامەتییەکانی رۆژانەیان".

نەجیب میقاتی لەبارەی هەنگاوەکانی حکوومەتەکەی بۆ کۆتایی هێنان بە قەیرانی ئابووریی لە وڵاتەکەی گوتی: "دەستمان بە دانوستاندان کردووە لەگەڵ سندووقی نێودەوڵەتی دراو (بۆ گەیشتن بە رێکەوتن لەسەر پلانی پشتیوانیی کردنی لوبنان)، ئێمە سوورین لەسەر ئەم هەنگاوەمان".
راشیگەیاند، کار دەکەن بۆ چاک کردنی مووچەی کارمەندانی کەرتی گشتیی لەژێر رۆشنایی ئەو هەنگاوانەی کە وەزارەتی دارایی بەڵێنی ئەنجامدانی داوە.
میقاتی ئاشکرایشی کرد کە حکوومەتەکەی کار دەکات بۆ ئامادەکردنی پڕۆژە یاسای بوودجەی گشتیی بۆ ساڵی ٢٠٢٢ لەگەڵ جەخت کردنەوە لە هەنگاوەکانی چاکسازیی لە دارایی گشتیی.

لە ١٠ی ئەم مانگەدا حکوومەتی نوێی لوبنان بە سەرۆکایەتی نەجیب میقاتی پێک هێنرا، ئەمەش دوای ١٣ مانگ دەست لە کار کێشانەوەی حکوومەتی کاربەڕێکەر بە سەرۆکایەتی حەسان دیاب لە ١٠ی ئابی ٢٠٢٠.

لە تۆڕە کۆمەڵایەتیەکان شەیری بکە

  • 6 کاتژمێر پێش ئێستا

    ئەبو عوبەیدە: لە چەند مانگی ڕابردوودا سەدان سەربازی دوژمنمان كوشتووە و بریندار كردووە

  • 12 کاتژمێر پێش ئێستا

    ڕاوێژكاری خامنەیی: هیچ پێشنیازێك بۆ گفتوگۆ لەگەڵ ئەمریكا لەئارادا نییە

  • 12 کاتژمێر پێش ئێستا

    سووریا.. ڕووبەڕووبوونەوەی توندی نێوان هۆزە عەرەبیەكان و دروزییەكان بەردەوامە

  • 12 کاتژمێر پێش ئێستا

    بەهۆى بەردەوامى هێرشەکانەوە دەیان غەززەیی دیکە بوونە قوربانی

  • 14 کاتژمێر پێش ئێستا

    بە هۆی هێرشی رژێمی زایۆنییەوە، ٢٦ هاووڵاتی لە غەززە شەهید بوون

  • 1 رۆژ پێش ئێستا

    كۆمكاری عه‌ره‌بی هێرشه‌ ئاسمانییه‌كانی بۆسه‌ر سووریا ئیدانه‌كرد

  • 1 رۆژ پێش ئێستا

    به‌غدا.. ئه‌مڕۆ چاره‌نووسی مووچه‌ یه‌كلایی ده‌بێته‌وه‌

  • 1 رۆژ پێش ئێستا

    عێراق.. به‌هۆی ئاگره‌كه‌ی شاری كوت زیاتر له‌ 100 كه‌س بوونه‌ قوربانی

سەرەتا