بەرشەلۆنە و لیڤەرپووڵ کێبڕکێی دەستخستنی تواناکانی یاریزانێکی ئەیسی میلان دەکەن

پەیام سپۆڕت

یانەی بەرشلۆنەی ئیسپانی بۆ گواستنەوەی هاوینەی داهاتوو چاوی لە تواناکانی ئەستێرەی یانەی ئەیسی میلانی ئیتاڵی فرانک کیسێ کۆتیڤوارییە.

ڕۆژنامەی مۆندۆدیپۆرتیڤۆی کەتەلۆنی بڵاوی کردۆتەوە، بەرشەلۆنە هاتۆتە نێو کێڕکێی یانەکانی لیڤەرپووڵ و پاریس سانجێرمان بۆ گواستنەوەی کیسێ.

مۆندۆ ئەوەشی ئاشکرا کردووە، گواستنەوەکە دەکرێت وەرزی داهاتوو ڕوو بدات، ئەمەش دوای ئەوەی گرێبەستی یاریزانەکە کۆتایی دێت و ئازادە بە خۆڕای پەیوەندی بە یانە کەتەلۆنییەکەوە بکات.

 سەرچاوەکە ئاماژەی بەوەشکردووە، بەڕێوبەری وەرزشی بەرشەلۆنە پێی وایە کە فڕانک کیسێ لە بواری تەکنیکییەوە سودمەند دەبێت بۆ یانەکەیان.

لەکۆتایدا ڕۆژنامە کەتۆلۆنییەکە کە نزیکە لە یانەی بەرشەلۆنە ڕایگەیاند، مامەڵەکە بۆ بەرشەلۆنە سەخت دەبێت، چونکە یانەی لیڤەرپووڵ کێبڕکێی سەرەکی بەرشەلۆنە دەکات، بەوەی لیڤەرپووڵ بۆ جێگرەوەی فابینیۆی بەڕازیلی و پاریسیش بۆ بەهێزکردنی پێکهاتەی هاوشانی ڤیناڵدۆم گواستنەوەیان کردۆتە ئامانج.