گواردۆلا لە ڤار بێزارە

پەیام سپۆڕت - بڕیار تەها

پێپ گواردیۆلای ئیسپانی و ڕاهێنەری یانەی مانچستەر سیتی ئینگلیزی بە توند هێرشدەکاتە سەر تەکنەلۆژیایی ڤار و داوا دەکات هەرچی زووە چاکسازی تیا ئەنجام بدرێت.

 پاش یەکسانبوونیان بەرانبەر یانەی تۆتینهام و هەژمار نەکردنی گۆڵێکی یانەکەی لە دواین خولەکەکاندا گواردیۆلا وتی: ئێمە پێمان وابوو ڕووداوی وەرزی ڕابردووی یانە پاڵەوانەکانمان لەیاد کردووە کاتێک بەرانبەر تۆتینهام بەهۆی ڤارەوە ماڵئاواییمان کرد، بەڵام ئەمڕۆ هەمان شت دووبارە بوویەوە.

گورادیۆلا لەوبارەیەوە زیاتر دەدوێت و دەڵێت: کاتێک لە تایمی یەکەمدا ڕۆدی شایستەی لێدانێکی سزابوو ڤار بوونی نەبوو لەوانەیە لە قاوە خواردنەوە بووبن، بەڵام لە کۆتایییەکانی یارییەکەدا کاتێک ئێمە گۆڵی بردنەوەمان تۆمار کرد ڤار ئامادەبوو گۆڵەکەی ئێمەی ڕەتکردەوە.

لە کۆتایدا گواردیۆلا ئەوەشی خستەڕوو لە یاری جامی سۆپەری ئەوروپی ئەدریانی گۆڵپارێزی لیڤەرپووڵ لە دواین لێدانی یەکلایکەرەوەدا نایاسایی هاتۆتە دەرەوەی هێڵی گۆڵ، بەڵام سەیری ڤار نەکراوەتەوە و بەو هۆیەوە لیڤەرپووڵ بۆتە پاڵەوان.