20/08/2021
536 جار خوێنراوەتەوە
كۆمسیۆنی هەڵبژاردنەكانی عێراق: ئامادەكارییە لۆجستییەكان بۆ هەڵبژاردن تەواو بوون
په‌یام
كۆمسیۆنی
هەڵبژاردنەكانی عێراق رایدەگەیەنێت، ئامادەكارییە لۆجستییەكان بۆ هەڵبژاردنی پێشوەختی
ئەنجومەنی نوێنەرانی عێراق تەواو كراون، وتەبێژی كۆمسیۆنەكەش دەڵێت: هەر كشانەوە و
بایكۆتێك ڕووبدات كاریگەری لەسەر كارەكانی كۆمسیۆن نابێت.
جومانە
غەلای وتەبێژی كۆمسیۆنی هەڵبژاردنەكانی عێراق ئەمڕۆ هەینی لە لێدوانێكی رۆژنامەوانیدا
رایگەیاند، كۆمسیۆن سەرجەم ئامادەكارییە لۆجستییەكانی بۆ ئەنجامدانی هەڵبژاردن لە
وادەی خۆیدا تەواوكردوە و لەئێستادا لە قۆناغی كۆتایی چاپكردنی كارتی دەنگداندایە.
ئاماژەی
بەوەكرد، كۆمسیۆن قۆناغی یەكەمی تاقیكردنەوەی ئامێرەكانی دەنگدانی تەواو كردوە، لە
كۆتایی ئەم مانگە و لە قۆناغی دووەمیشدا ئامێرەكانی تایبەت بە راگەیاندنی ئەنجامدانی
هەڵبژاردن تاقیدەكاتەوە.
وتەبێژی
كۆمسیۆنی هەڵبژاردنەكانی عێراق ئەوەشی خستەڕوو، تا ئێستا هیچ كاندیدێك داوای بۆ
كشانەوە لە هەڵبژاردن پێشكەش نەكردوە كە ژمارەیان سێ هەزار و (249) كاندیدە.
جەختیكردەوە
لەوەی كە هەر كشانەوە و بایكۆتێكیش رووبدات كاریگەری لەسەر كارەكانی كۆمسیۆن دروست
ناكات.
سەبارەت
بە چۆنیەتی پاراستنی ناوەندەكانی دەنگدانیش جومانە غەلای ئاماژەی بەوەدا پاراستنی
هێمنایەتی نێو ناوەندەكەمان لە لایەن لیژنەی باڵای ئاسایشی سەر بە كۆمیسۆنە و
پاراستنی دەرەوەی ناوەندەكەش حكومەت و دەزگا ئەمنیەكان لێی بەرپرسیارن.
لەبارەی
بەكارهێنانی موڵك و ماڵی گشتی و سەرپێچی لە لایەن كاندیدەكانەوە وتیشی: لە كاتی هەڵمەتی
بانگەشەی كاندیدەكاندا چاودێری رەوشەكە دەكەین و پێشوازی لە سكالای هاوولاتیانیش دەكەین
و بۆ ئەم مەبقەستەش رێكاری پێویست بۆ ئەو سەرپێچیانە دەگرینەبەر.
لە تۆڕە کۆمەڵایەتیەکان شەیری بکە