19/07/2021
581 جار خوێنراوەتەوە
دواین هەڵوێستی بەرشەلۆنە سەبارەت بە ئاڵوگۆڕپێکردنی گریزمان بە سائول
پەیام سپۆڕت
یانەی بەرشەلۆنەی ئیسپانی هەڵوێستی كۆتایی خۆی لە بارەی گرێبەستی ئاڵوگۆڕكاری
لەگەڵ ئەتلەتیكۆ مەدرید بۆ ئالوگۆرپێكردنی ئەنتوان گریزمان و سائول نیگوێز ڕادەگەیەنێت.
لە ماوەی ڕابردوودا بە چڕی باس و خواسی ئاڵوگۆڕپێكردنی گریزمان و سائول لە نێوان
دوو یانە ئیسپانییەكەدا ئاماژەی بۆ دەكرا، بەڵام لەدواین پێشهاتدا یانەی بەرشەلۆنە
بە ئەنجام گەیاندنی گرێبەستێكی لەو شێوەیە ڕەتدەكاتەوە.
لەو هەواڵەی كە ڕۆژنامەی سپۆرتی نزیك لە یانە كەتەلۆنیەكە بلاویكردۆتەوە ئاماژە
بەوە كراوە، بەرشەلۆنە نایەوێت بە شێوازی گرێبەستی ئاڵوگۆڕكاری دەستبەرداری گریزۆ بێت،
چونكە یانەكە پێیوایە نرخی گریزمان لە مێركاتۆدا بەراورد ناكرێت بە نرخی سائول، ئەمە
لە كاتێكدایە ڕاپۆرتەكان ئاماژەیان بەوەدابوو كە ڕۆخی بلانكۆس ئامادەیی نیشانداوە
15 ملیۆن یۆرۆ لەگەڵ نیگوێز بداتە بلوگرانا، هەر بۆیە لە ئێستادا ئەو مەلەفە بە تەواوی
لە لایەن بەرشەلۆنەوە داخراوە.
لە تۆڕە کۆمەڵایەتیەکان شەیری بکە