20/06/2021
317 جار خوێنراوەتەوە
مه‌غریب...باڵی بانگخوازیی پارتی فەرمانڕەوا داوای پچڕاندنی پەیوەندییەكانی وڵاتەكەی و ئیسڕائیل دەكات
پەیام
بزووتنەوەی تەوحید و ئیسڵاح باڵی بانگخوازیی پارتی داد و گەشەی فەرمانڕەوا
لە مەغریب داوای دەركردنی باڵیۆزی قەوارەی ئیسڕائیل لە وڵاتەكەی دەكات.
لە فێستیڤاڵی نیشتمانیی گەنجاندا، بزووتنەوەی تەوحید و ئیسڵاح باڵی
بانگخوازیی پارتی داد و گەشەپێدانی فەرمانڕەوای مەغریب، داوای كرد باڵیۆزی ئیسڕائیل
لە وڵاتەكەی بكرێتە دەرەوە و باڵیۆزی مەغریبیش لە تەلئەبیب بكشێنرێتەوە.
فێستیڤاڵەكە بە دروشمی ''قودس كۆمان دەكاتەوە و یەكمان دەخات'' لە ڕیباتی
پایتەخت ڕێك خرابوو، تیایدا (عەبدوڕڕەحیم شێخی) سەرۆكی بزووتنەوەكە فشاری كردە سەر
بەرپرسانی وڵاتەكەی تا لە بڕیاری ئاساییكردنەوەی پەیوەندییەكانی مەغریب - ئیسرائیل
پاشگەز ببنەوە.
عەبدوڕڕەحیم شێخی وتیشی: پشتگیریی فەڵەستین دژ بە داگیركاری ئیسڕائیل تەنیا
بۆ بەرگریی نییە لە فەڵەستین، بەڵكو پاراستنی خۆیشمانە لە دزەكردنە نێومان لە ڕێگەی
رێككەوتنی ئاساییكردنەوەوە.
سەرۆكی بزووتنەوەی تەوحید و ئیسڵاح جەختی كردەوە لەوەی پشتیوانی پێویست لە
دۆزی فەڵەستین دەكەن و لە هەر دۆخێكدا كە ڕووبەڕووی ئیسرائیل بووەوە، دەبنە پشتیوانی
بەرگریی فەڵەستین.
لە تۆڕە کۆمەڵایەتیەکان شەیری بکە