19/06/2021
740 جار خوێنراوەتەوە
شاندێكی كۆمەڵی دادگەری سەردانی نوسینگەی پارتی دۆزی ئازاد (هوداپار)ی كرد
په‌یام
بە بۆنەی كۆتاییهاتنی كۆنگرەی پارتی دۆزی
ئازاد (هوداپار)، شاندێكی كۆمەڵی دادگەری سەردانی نوسینگەی ئەو پارتەی كرد لە هەولێر.
شاندێكی كۆمەڵ بەسەرپەرشتی شوان ڕابەر، ئەندامی
ئەنجمەنی باڵا و هەریەك لە حاجی هێمن هەولێری و عبدالكریم واحید ئەندامی پەیوەندیەكانی
كۆمەڵ، سەردانی پارتی دۆزی كوردی توركیایان كرد و لەلایەن ژماریەك لەئەندامانی سەركردایەتی
هوداپار پێشوازیان لێكرا .
بەبۆنەی تەواوبوونی كارەكانی كۆنگرەی حزبەكەیان،
وەفدەكەی كۆمەڵ پیرۆزبایی خۆیان ئاراستەی ئەو پارتە كردن هەروەك هیواشیان خواست كۆنگرەكەیان
ئیجابی و سەركەوتوو بووبێت، تاكو خزمەت بەگەل و نیشتیمان و ئاینەكەیان بكات ، لەهەمانكاتدا
كاری سیاسی و رێكخراوەیی بارودۆخی سیاسی ناوچەكەو شێوازەكانی لەبەرچاو بگرن.
هاوكات هەردوولا جەختیان لەسەر پتەوكردنی پەیوەندیەكان
و زەروریەتی پێكەوە ژیانی كۆمەڵگەی كوردەواری و یەكریزی كورد كردەوە .
هەروەها هیوایان خواست كورد لە هەمووشوێنێك
بەسەربەرزی و خۆشگوزەرانی بژی و سود لە ئاینی پیرۆزی ئیسلام وەربگرێت.
لە تۆڕە کۆمەڵایەتیەکان شەیری بکە