مەحمود سەنگاوی: هەموو دنیا كاول ببێت، ئامادەنیم یەك فیشەك لە دژى پەكەكە بتەقێنم

پەیام

مەحمود سەنگاوی، ئەندامی  سەركردایەتی یەكێتی و فەرماندەی میحوەری گەرمەسێری هێزەكانی پێشمەرگە رایگەیاند: لەم كاتەدا شەڕكردن لە دژی پەكەكە مەترسییەكی گەورەیە لەسەر میللەتەكەمان و ئەگەر هەموو دنیا كاول ببێت، من ئامادەنیم بڕۆم یەك فیشەك بەرەوڕووی پەكەكە بتەقێنم.

سەنگاوی، لە میانی وتارێكیدا راشیگەیاند: هەر شتێك هەبێت ناكاتە ئەوەی ئێمە شەڕی لایەنێك بكەین و كوڕی خەڵك بە كوشت بدەین، لە پێناوی ئەوەی توركیا ئافەرینمان بكات یان لایەنێكی عێراق یان لایەنی تر ئافەرینمان بكات.
وتیشی: دەبێت هەموومان بچینە سەرشەقام و شەڕی براكوژیی حەرام بكەین، شەڕی پەكەكە حەرام بكەین، لەم كاتەدا شەڕی پەكەكە خەتەرێكی گەورەیە لەسەر میللتەكەمان.

جەختیشی كردەوە: دژی شەڕی پەكەكەم و لەبەردەم هاوسەرۆكانی یەكێتیدا وتوومە، ئەگەر هەموو دنیا كاول ببێت، من ئامادەنیم بڕۆم یەك فیشەك بەرەوڕووی پەكەكە بتەقێنم، هیچ شتێك ناكاتە ئەوەی بچین یەكتری بكوژین.